Jôsue 10:39 - Sră Goh 2018

³⁹ Khai tòmpìt ai ƀòn dờng, bơtau gơ dê mơ ală ƀòn gơ dê, mơ ai đào tơnroh jơh; bol khai tơnchơt jơh ală cau ơm tòm gơ, ò lòi dô nă cau lơi gam kis. Be khai neh lơh di Hebrôn mơ kung be khai neh lơh di Lipna mơ bơtau gơ dê, kung behơ̆ khai neh lơh di Debir mơ bơtau gơ dê sơl.

Jôsue 10:39 ပူးပေါင်းရင်းမြစ်များ

II Ală Bơtau 10:11

Behơ̆ Jehu kung tơnchơt jơh ală cau gam wơl tòm hìu Ahap ơm tòm Jejreel, bal mơ ală kwang bàng, ală cau bơyô đềt mềr, mơ ală cau gơnoar ơn phan pơdơng khai dê, tian gơs ò gam wơl dô nă lơi.

Apdia 1:18

Hìu Jakôp rơp la ồs, mơ hìu Jôsep rơp la lơmpiat ồs; hìu Esau rơp la rhe, mơ bol khai rơp chu pơrguc gơ. Rơp ò gam cau lơi kis tòm hìu Esau dê.” Yàng Jehôwa neh đơs behơ̆.

Yal Wơl 3:3

Behơ̆ Jehôwa Yàng Tom Trồ bol hi dê kung neh jào tòm tê bol hi Ok bơtau Basan mơ jơh dô mpồl ling khai dê. Bol hi tơnchơt khai, ò lòi dô nă cau lơi gam kis.

Jôsue 10:33

Tòm tŭ hơ̆ Hôram la cau bơtau Gejer neh guh nàng dong kòl Lakis, mơya Jôsue lơh alah khai bal mơ mpồl ling khai dê tian gơs ò gam dô nă cau lơi kis.

Jôsue 10:37

Bol khai tòmpìt ai ƀòn mơ ai đào tơnroh gơ bal mơ bơtau gơ dê mơ ală ƀòn gơ dê bal mơ jơh tơl nă cau tòm gơ, ò lòi dô nă cau lơi gam kis. Khai tơnroh jơh ƀòn bal mơ ală cau tòm hơ̆ kung be khai neh lơh di Eglôn.

Jôsue 10:38

Lồc behơ̆, Jôsue bal mơ jơh Israel rê wơl mơ brồ lơh Debir.

Jôsue 10:40

Behơ̆ Jôsue tòmpìt ai jơh dô kơnhwàl hơ̆, la hơđang mơnơm, tiah Negep, ală tiah jơng mơnơm đah mattơngai mut mơ ală kơh mơnơm, bal mơ jơh ală bơtau bol gơ dê, khai ò lòi dô nă cau lơi gam kis. Khai tơnroh jơh ală phan tă nhơm jat be jơnau gơnoar sồr Jehôwa Yàng Tom Trồ Israel dê.

Jôsue 11:8

Mơ Yàng Jehôwa jào phi bol khai tòm tê Israel. Israel lơh bol hơ̆ mơ ting jat bol khai tus di lồi gùng lòt hơ Sidôn Dờng, mơ Misrephôt Maim, mơ hơ thòng Mispa tòm đah mattơngai lik, bol khai tơnchơt jơh ò lòi dô nă lơi gam kis.

Jôsue 12:13

bơtau Debir, bơtau Geder,

I Samuel 15:3

Tŭ do lòt tĕ brồ lơh cau Amalek mơ tơnroh jơh hir ală phan gơrê bal mơ bol khai. Bañ pơlai phan lơi; mơya tơnchơt jơh ală cau klau mơ cau ùr, ală kòn dềt mơ oh nga, ală kơnrồ mơ belàt, ală làkđa mơ alàng.’”

I Samuel 15:8

Mơ khai kup kis Agak la bơtau Amalek dê mơ ai đào tơnroh jơh làng bol hơ̆.