Jôsue 10:33 - Sră Goh 2018

³³ Tòm tŭ hơ̆ Hôram la cau bơtau Gejer neh guh nàng dong kòl Lakis, mơya Jôsue lơh alah khai bal mơ mpồl ling khai dê tian gơs ò gam dô nă cau lơi kis.

Jôsue 10:33 ပူးပေါင်းရင်းမြစ်များ

II Samuel 5:25

Dabit neh lơh jat tòm toh be jơnau Yàng Jehôwa neh sồr khai, mơ khai lơh gơprah jơh cau Philistin bơh Geba jơh rò gùng tus hơ Gejer.

I Yal Yau 20:4

Kung tòm tŭ hơ̆ gơlik bơta tòmlơh mơ cau Philistin tòm Gejer. Tòm tŭ hơ̆ Sipbekai cau Husa tơnchơt Sippai, la dô nă tòm ală kòn sau cau Repha; mơ at bồ cau Philistin.

I Yal Yau 6:67

Tòm kơh mơnơm ù tiah Epraim dê, bol khai dòp geh Sicem dô nơm ƀòn dờng kìng crŭ, mơ Gejer mơ ƀlàng ñhơt gơ dê,

Jôsue 10:32

Yàng Jehôwa jào phi Lakis tòm tê Israel mơ Jôsue ai ƀòn hơ̆ tơnơ̆ mơ bàr ngai tòmlơh. Khai ai đào tơnroh ƀòn dờng hơ̆ bal mơ jơh ală cau tòm gơ kung be khai neh lơh di Lipna.

Jôsue 10:34

Gen Jôsue bal mơ jơh Israel lòt bơh Lakis tus hơ Eglôn. Bol khai rơndap mpồl ling mơ brồ lơh gơ.

Jôsue 12:12

bơtau Eglôn, bơtau Gejer,

Jôsue 16:10

Bol khai ò ting bơtrơh làng bol Kanaan ơm tòm Gejer: gen tàng làng bol Kanaan gam ơm digùl làng bol Epraim jơl tus ngai do; mơya bol khai pal kong duh broă bòl glar.

Jôsue 16:3

bơh tềng hơ̆ gơ mù đah mattơngai mut tus hơ ù tiah làng bol Japlet, tus di kơnhwàl đah đơm Bet Hôrôn, gen lòt tus hơ Gejer, mơ lồi di dàlềng.

Jôsue 21:21

Tòmpà tiah Sicem cau Epraim in, ƀòn kìng crŭ cau tơnchơt cau in, bal mơ ƀlàng ñhơt gơ dê tòm lơgar kơh mơnơm, mơ Gejer bal mơ ƀlàng ñhơt gơ dê,

Ală Kwang Cahrña 1:29

Cau Epraim kung ò ting bơtrơh cau Kanaan ơm tòm Gejer; mơya cau Kanaan kư̆ ơm tềng hơ̆ bal mơ bol khai.