Jôsue 1:14 - Sră Goh 2018

¹⁴ Ală bau ùr, ală kòn, bal mơ ală phan poan jơng bol mê dê rơp ơm wơl tòm lơgar mơ Môise neh ai bol mê in đah ne hiòng Jordan. Mơya jơh ală cau ling digùl bol mê pal tiă lài mơ ală oh mi bol mê dê nàng dong kòl bol khai,

Jôsue 1:14 ပူးပေါင်းရင်းမြစ်များ

Lik Ejiptơ 13:18

Behơ̆ Yàng Tom Trồ lam bol khai lòt pơdar jat gùng tòm ƀlàng ngềt ngơt, hơ đah Dàlềng Pơrhê. Làng bol Israel lik bơh di Ejiptơ, rcang sir kung be lòt tòmlơh.

Khà Làng Bol 32:26

Ală kòn sau mơ ală bau ùr bol hi dê, ală mpồl kơnrồ mơ belàt bol hi dê rơp ơm wơl tềng do tòm ală ƀòn dờng Galaat dê.

Yal Wơl 20:8

Lồc behơ̆, ală cau kwang dờng at bồ ling rơp đơs bơtơl lah: ‘Gơs cau lơi rngòt mơ gơdô nùs sơl? Lòi tĕ khai in rê hìu, tồ ală oh mi khai kung rơp ò gơdô nùs sơl.’

Yal Wơl 3:19

Bulah behơ̆, ală bau ùr bol mê dê, ală kòn sau bol mê dê mơ ală mpồl phan poan jơng bol mê dê (añ git bol mê gơs oă mpồl phan poan jơng) rgơi ơm wơl tòm ală ƀòn dờng mơ añ neh ai bol mê in,

Yal Wơl 33:21

Khai neh sac rwah ù tiah niam rlau jơh să tòm khai in; pơnah ơn is ală cau kwang at bồ in neh geh prap lòi khai in. Tòm tŭ ală cau at bồ làng bol pơjum bal, khai lơh jat nùs kòñ song ring Yàng Jehôwa dê, mơ ală bơta cahrña Kơnràñ dê gơwèt mơ Israel.”

Jôsue 1:13

“Kah tĕ jơnau Môise cau duh broă Yàng Jehôwa dê neh nting sồr bol mê lah: ‘Jehôwa Yàng Tom Trồ bol mê dê neh rcang ai bol mê in dô bă tiah nàng rlô mơ rơp ai lơgar do bol mê in.’

Jôsue 1:15

jơl tus di tŭ Yàng Jehôwa ai ală oh mi bol mê in bơta rlô lơngai kung be neh ai bol mê in, mơ bol khai kung dòp geh sre brê mơ Jehôwa Yàng Tom Trồ ai bol khai in. Gen bol mê rơp rê wơl hơ ù tiah bol mê dê mơ dòp sre brê gơ dê, ù tiah mơ Môise cau duh broă Yàng Jehôwa dê neh ai bol mê in đah mattơngai lik hiòng Jordan.”

Jôsue 4:12

Cau Ruben, cau Gat mơ nggùl jơi bơtiàn cau Manase at phan tòmlơh mơ tiă hiòng di đap làng bol Israel, jat be Môise neh nting sồr bol khai.

Yal Tơlik 17:4

Cau ùr hơ̆ soh phan dà gur mơ dà pơrhê, sơmpô să khai mơ màh, lŭ màng, lŭ kràng màng; tê khai at dô nơm mơngàn màh bềng ală phan ngkòr ngkàc, hơ̆ la ală bơta ƀơ̆ ƀơl bơta rềs àr bơrnàn khai dê.