Jôsue 1:11 - Sră Goh 2018

¹¹ “Lòt tĕ làm ală sàl làng bol dê mơ sồr bol khai: ‘Rcang sir tĕ phan ngui sa bol mê dê. Tòm pe ngai tai ală bol mê rơp tiă hiòng Jordan do, nàng lòt dòp lơgar mơ Jehôwa Yàng Tom Trồ bol mê dê ai bol mê in lơh gơs phan tòm.’”

Jôsue 1:11 ပူးပေါင်းရင်းမြစ်များ

II Ală Bơtau 20:5

“Rê wơl tĕ, đơs mơ Ejekia, bơtau làng bol Añ jê lah: Jehôwa Yàng Tom Trồ Dabit dê, ồng pàng mê dê, đơs be do: Añ neh kơno jơnau hòi dan mê dê, gŏ dà mat mê dê; ngan Añ rơp sơmbòi mê in; tus ngai dơ̆ pe mê rơp guh hơ hìu duh khoai Yàng Jehôwa dê.

Lik Ejiptơ 19:11

mơ pal rcang sir tòm ngai pe, tài bơh tòm ngai hơ̆ Yàng Jehôwa rơp mù hơđang mơnơm Sinai di đap mat jơh làng bol.

Sră Ôse 6:2

Tơnơ̆ mơ bàr ngai, Kơnràñ rơp lơh bol he in kis wơl, tòm ngai pe Kơnràñ rơp tơngguh bol he, tồ bol he in kis di đap Kơnràñ.

Yal Wơl 11:31

Bol mê rơp tiă Jordan nàng mut mơ dòp geh ù tiah Jehôwa Yàng Tom Trồ bol mê dê ai bol mê in lơh gơs phan tòm. Tòm tŭ bol mê neh dòp geh gơ rau mơ ơm kis tềng hơ̆,

Yal Wơl 3:18

Tòm tŭ hơ̆ añ ai jơnau sồr bol mê lah: “Jehôwa Yàng Tom Trồ bol mê dê neh ai bol mê in lơgar do lơh gơs sre brê. Mơya jơh ală cau klau rgơi lòt tòmlơh pal mă àñ phan tòmlơh mơ tiă hiòng Jordan lài mơ ală oh mi Israel bol mê dê.

Yal Wơl 9:1

Ơ Israel, iat tĕ, ngai do bol mê rơp tiă Jordan nàng tòmpìt ai ală lơgar dờng rlau mơ pràn rlau mơ bol mê, gơs ală ƀòn dờng ơnàng ơm tòm ală dơrñang kơ̆ cê jơnhoa tus hơ trồ.

Jôsue 1:10

Gen Jôsue ai jơnau gơnoar sồr ală cau kwang làng bol in lah:

Jôsue 1:2

“Môise, cau duh broă Añ jê neh chơt; tŭ do mê mơ jơh làng bol do guh tĕ, tiă hiòng Jordan mơ mut tòm lơgar mơ Añ rơp ai làng bol Israel in.

Jôsue 3:2

Tơnơ̆ mơ pe ngai, ală cau at bồ lòt làm tiah sàl ơm,