Jơnau Pơnđik 30:3 - Sră Goh 2018

³ Añ ò bơtê bơta jak chài, mơ kung ò geh bơta git jak Bơtau Sàng Goh dê.

Jơnau Pơnđik 30:3 ပူးပေါင်းရင်းမြစ်များ

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò:

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

Jơnau Pơnđik 9:10

Bơta duh rngòt di Yàng Jehôwa, hơ̆ la sơntòm bơta jak chài; Bơta đal git Bơtau Goh, hơ̆ la bơta àng jak.

Yal Tơlik 4:8

Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Mathiơ 16:17

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 30:11

Lik tĕ bơh gùng, pleh tĕ bơh gùng, bañ lòi bol hi iat tai bơh Bơtau Sàng Goh Israel dê!”

Esai 6:10

Lơh tĕ nùs làng bol do kră kơldang, lơh tồr bol khai tĭ, mơ lơh mat bol khai gơ tơñềm. Nàng mat bol khai ò rgơi sền mơ tồr bol khai ò rgơi kơno, mơ nùs bol khai dê rgơi git wă, bol khai rê wơl mơ geh sơmbòi.”

Esai 6:3

Ală seraphim đơs tòmho bal lah: “Sàng goh, sàng goh, sàng goh la Yàng Jehôwa Gơnap Gơnoar Dờng; Làm jơh plai ù bềng lìu bơta gơklŏ Kơnràñ dê.”

Jơnau Pơnđik 30:4

Ñcau neh guh hơđang trồ, lồc behơ̆ mù wơl taih? Ñcau neh tơrgòm càl tòm kơndồm tê he taih? Ñcau neh bơ̆ dà tòm ào he taih? Ñcau neh bơtào gơs ală nhàr plai ù taih? Ñchi sơnđan mat khai, mơ ñchi sơnđan mat kòn klau khai taih? Dilah mê git đơs tĕ.