Jơnau Pơnđik 3:3 - Sră Goh 2018

³ Bơta dòn song mơ bơta lơh jat jơnau ho pơgon, kòn bañ lòi hŭi, Kơt tĕ gơ gùt dar ngko kòn, Cih tĕ gơ hơđang mpàn nùs kòn dê;

Jơnau Pơnđik 3:3 ပူးပေါင်းရင်းမြစ်များ

II Samuel 15:20

Mê pa tus ngai òr, mơ ngai do añ rơp lơh mê in kong nrah nring tềng do tềng dă bal mơ bol hi, tòm tŭ añ ò git ntềng đah añ rơp lòt sơl ơ? Rê wơl tĕ, mơ lam ală cau lơgar tòm mê dê rê bal mơ mê. Dan Yàng Jehôwa ràng tơlik bơta kòñ gơboh kơ̆ dơn mơ bơta dòn song ơm bal mơ mê!”

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Đơs Crih 25:10

Jơh ală gùng dà Yàng Jehôwa dê la bơta kòñ gơboh kơ̆ dơn mơ dòn song, Ai cau lơi in prap gàr bơta ho bal mơ jơnau sồr kràñ cê Kơnràñ dê.

Đơs Crih 85:10

Bơta kòñ gơboh kơ̆ dơn mơ bơta dòn song rơp tìp bal; Bơta song ring mơ bơta lơngap lơngai rơp cum bal.

Lik Ejiptơ 13:9

Bơta kah prap do rơp lơh gơs dô nơm tềl sơnio di tê mê, lơh gơs dô bơta tơngkah wơl di bìng liang mê dê la bơta boh lam Yàng Jehôwa di ơm di bơr bol mê, bơh Yàng Jehôwa neh ngui tê gơnoar pràn tă tơlik bol mê klàs bơh Ejiptơ.

Lik Ejiptơ 34:6

Mơ Kơnràñ lòt gan di đap Môise, mơ yal lah: “Jehôwa! Jehôwa! La Yàng Tom Trồ nđàc sơngit mơ kòñ nđàc, òbat gơhào gơjrañ, tơngkah tơngkañ nùs kòñ gơboh kơ̆ dơn mơ dòn song,

Jơnau Pơnđik 1:9

Bơh ală jơnau hơ̆ kung be dô nơm dơwàng bơkào hơđang bồ kòn, Gơlơh be ală rơnjài màh wan di ngko kòn dê.

Jơnau Pơnđik 14:22

Cau jòi kai iơh ngan ò tìs nrah ơ? Ai cau jòi bơta niam gen dòp leng bơta kơ̆ dơn mơ bơta dòn song.

Jơnau Pơnđik 16:6

Kơnòm di bơta kòñ gơboh kơ̆ dơn mơ dòn song gen glài geh tơwài; Bơh bơta duh rngòt Yàng Jehôwa cau pleh ngài bơta iơh.

Jơnau Pơnđik 20:28

Bơta kơ̆ dơn mơ bơta song ngan ê gàr bơtau; khai ai nùs kơ̆ dơn mơ yò đo sơbàn lơgar he.

Jơnau Pơnđik 6:21

Prap gàr tĕ gơtòm nùs kòn sùm sùm, mơ wan gơ di ngko kòn.

Jơnau Pơnđik 7:3

Kơt tĕ gơ di ràs tê kòn, cih gơ hơđang mpàn nùs kòn.

Jeremi 17:1

Tồi glài Juda dê neh geh cih mơ gai cih lòs, Mơ mơng lŭ kră kơldang; Geh pac hơđang mpàn nùs bol khai, mơ hơđang ngke ală cơnòng duh khoai bol khai dê.

Sră Ôse 4:1

Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.

Malaci 2:6

Jơnau bơto sồr song ngan neh ơm tòm bơr khai, ò gơs dô jơnau lơi tìs tòm bơr khai dê, mơ ò gơs dô jơnau lơi tìs geh jòi bàn tòm sơndồi khai dê. Khai neh cơnđòa lòt bal mơ Añ tòm bơta song ngan mơ song ring, mơ neh lơh oă cau in pơrlac sang bơta tồi glài.

Mathiơ 23:23

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

II Kôrintô 3:3

Loh làng ngan oh mi la sră pơyoa Bơtau Krist dê, bơh gơnoar broă bol hi mơ cih gơs, ò di cih mơ dà cih, mơya cih mơ Hwềng Yàng Tom Trồ gam kis sùm dê; ò di cih hơđang mpàn lŭ, mơya cih hơđang nùs cau dê.

Ephesô 5:9

(bơh plai bơta àng dê ơm tòm jơh ală bơta lơbơn niam, song ring, mơ song ngan),

Yal Wơl 6:8

Kơt tĕ ală bơta hơ̆ lơh gơs rùp sơnio di ală mpàng tê bol mê dê mơ di bìng liang bol mê dê.

Hebrơ 10:16

Yàng đơs lah: “Do la bơta ho bal Añ rơp bơtào mơ bol khai. Tơnơ̆ mơ ală ngai hơ̆, Añ rơp ơn bơta boh lam Añ jê tòm nùs bol khai, Mơ cih gơtòm dơngoh bol khai dê,”