Jơnau Pơnđik 18:2 - Sră Goh 2018

² Ală cau tùl gơla ò kòñ bơta àng loh; Mơya mìng kòñ ràng tơlik bơta kơlôi sơnơng bol khai dê.

Jơnau Pơnđik 18:2 ပူးပေါင်းရင်းမြစ်များ

Jơnau Pơnđik 1:22

“Ơ ală cau ƀă liă, bol mê kòñ bơta ƀă liă bol mê dê jơl tus di tŭ lơi taih? Ală cau dơñŏ tơnhial kòñ bơta dơñŏ tơnhial bol mê dê, Mơ ală cau bơrngơl gơla gơjrañ kơuềng di bơta git jak jơl tus di tŭ lơi taih?

Jơnau Pơnđik 1:7

Bơta duh rngòt di Yàng Jehôwa la sơntòm bơta jak chài; Ai ală cau bơrngơl gơla sền òsơp bơta jak chài mơ jơnau bơto sồr.

Jơnau Pơnđik 12:23

Cau chài rgơi pồn bơta he git; Mơya nùs cau tùl gơla yal tơlik bơta lu sơnrang.

Jơnau Pơnđik 13:16

Cau chài rgơi lơh broă kư̆ jat bơta git wă; Mơya cau tùl gơla ràng tơlik bơta bơrngơl he dê.

Jơnau Pơnđik 17:16

Cau tùl gơla ò gơs dơngoh kòñ bơtê git, Ñchi kwơ ơn priă tòm tê khai in nàng blơi bơta jak chài taih?

Jơnau Pơnđik 18:3

Tŭ bơta iơh bơsak tus bơta sền òsơp kung tus tai sơl; mơ bơta bơrsèl tơnhial tus bal mơ bơta ƀàssìl ƀàsso.

Cau Bơto 10:3

Bulah tòm tŭ lòt gùng cau bơrngơl siơ̆u bơta git wă; mơ sơnio kòp nă cau in git bol khai la ală cau bơrngơl.

Mathiơ 8:34

Gen jơh ală cau tòm ƀòn dờng lik nàng tìp Yàng Jesu. Dơ̆ gŏ Kơnràñ, gen rac dan mơ Kơnràñ lik bơh nhàr kơnhwàl lơgar bol khai dê.

I Kôrintô 14:12

Oh mi kung behơ̆ sơl, bơh oh mi jơh nùs kơp kòñ bơta ai gòi đah hwềng, gen jòi tĕ tồ geh tơngkah tơngkañ nàng bơt bơtào Hìu Jum Goh.

I Kôrintô 8:1

Gơwèt hơ phan ơn duh khoai rùp ràk, ngan behơ̆ be cau òs đơs: “kòp nă bol he gơs bơta git jak.” Bơta git jak lơh he in jòng is să he, ai bơta kòñ gơboh gen bơt bơtào.

Philip 1:15

Ngan, gơs cau ƀà bơto yal bơh Bơtau Krist, la bơh nùs ƀoah gơjrañ mơ tòm pơndang, mơya kung gơs cau ƀà tai la bơh nùs niam mơ bơto yal.