Jơnau Pơnđik 14:3 - Sră Goh 2018

³ Tòm bơr cau tùl gơla gơs mơng pù lơh bơta pơnhừ să khai; Mơya sơndồi cau jak chài sền gàr khai.

Jơnau Pơnđik 14:3 ပူးပေါင်းရင်းမြစ်များ

Sră Jop 5:21

Ồng rơp geh pồn bơh bơta sơbơng roh lơmpiat dê, Kung rơp ò rngòt tòm tŭ bơta tơnroh tus.

Đơs Crih 12:3

Dan Yàng Jehôwa tơnroh jơh ală sơndồi rơmhòc, Mơ lơmpiat jak đơs pơnhừ să.

Đơs Crih 31:18

Dan lòi ală sơndồi blac chừt gơkòl kloat, La ală sơndồi jak ai jơnau sơrdă sơrdơu, pơnhừ să Mơ sền òsơp nàng đơs sòdră di cau song ring.

Đơs Crih 57:4

Añ bic digùl ală klìu triă, Hơ̆ la phan sa loan poac kòn mơnus; Bol gơ gơs sề be ală tà mơ ală kam, Mơ lơmpiat bol gơ be đào sồt.

Jơnau Pơnđik 12:6

Ală jơnau cau iơh bơsak kơp mòc lơh gơhòr mhàm; Mơya jơnau đơs cau song ring dong klàs bol khai.

Jơnau Pơnđik 13:3

Cau kơrmap gàr bơr he, geh prap gàr bơta kis he; Mơya cau lơi pò sơndồi he oă, gen kong roh gơprah.

Jơnau Pơnđik 14:4

Tiah lơi ò gơs kơnrồ, tềng hơ̆ bòng ñhơt soh gòi; Mơya cồng nha oă bơh pràn kơnrồ dam mơ gơs.

Jơnau Pơnđik 18:6

Sơndồi cau tùl gơla cèng bơta tòm pơndang bal; Mơ bơr khai hòi jà bơta pù lơh.

Jơnau Pơnđik 18:7

Bơr ală cau tùl gơla la bơta roh rui bol khai dê; Sơndồi bol khai ngan la dô nơm dă pơt hwềng soàn bol khai dê.

Jơnau Pơnđik 21:24

Bơrsèl tơnhial, hơ̆ la sơnđan cau jòng să, pơnhừ să; khai lơh lòt iơh rmơh jat bơta pơnhừ să khai dê.

Jơnau Pơnđik 22:8

Cau lơi sih bơta ò song ring rơp toès bơta rung rài; mơ gai mơng bơta gơjrañ dờng khai dê rơp kong tơrpă.

Jơnau Pơnđik 28:25

Cau hàm hà chồl bơta tòmpìt tòmhà; ai cau lơi dòn kơnòm di Yàng Jehôwa rơp geh hòm lai.

Daniel 7:20

Añ kung kòñ git jơnau gơtha bơh jơt nơm ngke di bồ gơ, mơ bơh dô nơm ngke ndai gơhòn lik tơnơ̆, mơ di đap ngke hơ̆ pe nơm ngke ne neh gơkòl tă tơlik, ngke hơ̆ gơs ală mat mơ bơr đơs ală jơnau tràl sơrbil, mơ gơ pràn kơldang rlau mơ ală ngke ndai.

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

Yal Tơlik 12:11

Bol khai neh geh pha lin rlau mơ gơ tài bơh kơnòm dê mhàm Belàt Kòn dê, mơ kơnòm dê jơnau lơh cơng bol khai dê, bơh bol khai ò pơlai bơta kis he dê jơl chơt.

Yal Tơlik 3:10

Tài bơh mê neh prap gar jơnau Añ jê mơ ntào kơ̆, gen Añ kung rơp sền gàr mê tòm jơ gơlòng bòl glar, la jơ rơp gơlik tus làm jơh dunnia nàng lòng ală cau ơm tòm plai ù.

I Samuel 2:3

Bañ đơs tai ală jơnau pơnhừ să oă ir, bañ lòi jơnau jòng să lik bơh di bơr mê dê; bơh Yàng Jehôwa la Yàng Tom Trồ bơta git wă dê, mơ Kơnràñ kơr ală broă lơh.