Jơnau Pơnđik 14:2 - Sră Goh 2018

² Cau lơi lòt jat bơta song ngan duh rngòt Yàng Jehôwa; Ai cau lơi lơh lòt rkwet rkwe sền òsơp di Kơnràñ,

Jơnau Pơnđik 14:2 ပူးပေါင်းရင်းမြစ်များ

Broă 10:35

mơya tòm jơh ală làng bol, dilah cau lơi duh rngòt di Yàng mơ lơh bơta song ring, gen cau hơ̆ geh Kơnràñ dòp.

Jơnau Pơnđik 28:6

Chan rƀah lơòi lơh lòt dô bă song ngan, niam rlau mơ cau pas gơs jat gùng rkwet rkwe.

Đơs Crih 112:1

Jòng ro Yàng Jehôwa! Lơngai cau lơi in duh rngòt di Yàng Jehôwa, Mơ cau lơi gơboh oă ngan bơta sồr lam Kơnràñ dê!

Sră Jop 28:28

Gen Kơnràñ đơs mơ kòn mơnus lah: ‘Duh rngòt di Yàng Jehôwa, hơ̆ la bơta jak chài, mơ pleh ngài bơh bơta iơh, hơ̆ la bơta git wă.’”

Broă 9:31

Behơ̆ Hìu Jum Goh tòm làm jơh kơnhwàl Jude, Galile, mơ Samari geh ring lơngai, bơt bơtào, mơ lòt tòm bơta duh rngòt di Yàng, mơ kơnòm di Yàng Hwềng Goh dong kòl, gen khà cau dòn sơlo ngai geh gơbơtơl tai.

Cau Bơto 12:13

Jơnau crap wơl bơh ală bơta neh gơlik gơs neh geh kơno do: Duh rngòt tĕ Yàng Tom Trồ mơ prap gàr ală bơta sồr lam Kơnràñ dê; hơ̆ la broă tòm wil tơl jơh tơl nă dê.

Đơs Crih 25:21

Dan bơta song ngan mơ bơta song ring sền gàr añ, Bơh añ kơp gơn Yàng.

Broă 10:22

Bol khai ho lah: “Kornai cau at dô rhiang ling la cau song ring duh rngòt di Yàng Tom Trồ, jơh làng bol Juda neh lơh cơng niam bơh khai, khai hơ̆ neh bơh dô nă cau gơnrơh sàng goh mơ dòp jơnau sồr lòt jà ồng tus tòm hìu, mơ kơno jơnau ồng đơs.”

Luka 16:14

Ală cau Pharisi la cau hàm kòñ jền priă, kơno ală jơnau hơ̆ gen dơñŏ tơnhial di Kơnràñ.

Luka 10:16

Cau lơi iat bol mê, hơ̆ la iat Añ; cau lơi sang bol mê, hơ̆ la sang Añ; ai cau lơi sang Añ, hơ̆ la sang Bơtau neh sồr Añ lòt tus.”

Jơnau Pơnđik 19:1

Chan la cau rƀah ngui sa lơh lòt dô bă song ngan, rlau mơ cau gơs bơr sơndồi rkwet rkwe mơ la dô nă cau tùl gơla.

Jơnau Pơnđik 16:17

Gùng ơnàng bơta song ngan dê hơ̆ la pleh ngài bơta iơh; Cau lơi sền gàr gùng lòt broă lơh he gen gàr hwềng soàn he.

Jơnau Pơnđik 11:12

Cau lơi sền òsơp cau gơp ƀòn he siơ̆u bơta git wă; Mơya cau àng jak kư̆ ơm mŏ.

Jơnau Pơnđik 2:15

Ală gùng dà bol khai dê la rkwet rkwe, Mơ bol khai tìs nrah tòm ală gùng bol khai dê.

Sră Jop 1:1

Tòm lơgar Us, gơs dô nă cau sơnđan la Jop. Cau hơ̆ la wil tơl mơ song ring, duh rngòt di Yàng Tom Trồ mơ pleh ngài di bơta iơh bơsak.

I Ală Bơtau 3:6

Salômôn ho lah: “Yàng neh yal tơlik bơta kòñ gơboh kơ̆ dơn dờng ngan gơwèt mơ cau duh broă Kơnràñ la Dabit bèp añ, tài bơh khai neh lơh lòt di đap Kơnràñ dô bă dòn song, mơ gơs nùs song ring mơ song ngan; mơ Kơnràñ neh prap khai in bơta kòñ gơboh kơ̆ dơn dờng hơ̆, mơ neh ai khai in dô nă kòn klau nàng nggui hơđang sơbàn khai dê tòm ngai do.

Sră Jop 12:4

Añ la bơta dơñŏ tơnhial ală cau bơyô añ jê; Añ neh hòi guh tus hơ Yàng Tom Trồ, mơ Kơnràñ ho wơl añ; Dô nă cau song ring mơ ò gơs tiah geh lah pơrhơng, añ neh gơkòl cau dơñŏ tơnhial!

II Samuel 12:9

Ñchi bơh tài mê sền òsơp di jơnau đơs Yàng Jehôwa dê mơ lơh bơta iơh di đap mat Kơnràñ taih? Mê neh ngui đào tơnchơt Uria cau Hetit mơ kup bau ùr khai lơh gơs bau ùr mê dê. Mê neh tơnchơt khai bơh đào cau Ammôn dê.

II Ală Bơtau 17:34

Tus di ngai do, bol khai gam lơh jat bơta òs mòng yau bol khai dê. Bol khai ò duh rngòt di Yàng Jehôwa, ò lơh jat jơnau sồr, bơta lơh nền, bơta sồr lam, hala bơta boh lam lòi wơl kòn sau Jakôp in, mơ Kơnràñ neh tơmoh sơnđan la Israel.

Jơnau Pơnđik 16:6

Kơnòm di bơta kòñ gơboh kơ̆ dơn mơ dòn song gen glài geh tơwài; Bơh bơta duh rngòt Yàng Jehôwa cau pleh ngài bơta iơh.