Jơnau Pơnđik 13:3 - Sră Goh 2018

³ Cau kơrmap gàr bơr he, geh prap gàr bơta kis he; Mơya cau lơi pò sơndồi he oă, gen kong roh gơprah.

Jơnau Pơnđik 13:3 ပူးပေါင်းရင်းမြစ်များ

Đơs Crih 141:3

Ơ Yàng Jehôwa, dan sền gàr bơr añ jê kơrmap gàr sơndồi añ jê.

Đơs Crih 34:13

Kơrmap gàr tĕ lơmpiat he bañ đơs jơnau iơh bơsak, Mơ sơndồi he bañ đơs jơnau blac pơrlồm.

Đơs Crih 39:1

Añ neh đơs lah: “Añ rơp kơrmap gàr gùng dà añ jê, Nàng añ ò tìs glài mơ lơmpiat añ jê; Tòm tŭ cau iơh bơsak gam ơm di đap añ, Añ rơp kơrmap gàr bơr añ kung be cau kèp bơr ơseh.”

Jơnau Pơnđik 10:14

Cau jak chài prap lòi bơta git wă; mơya jơnau đơs cau tùl gơla cèng bơta roh gơprah tus rềp.

Jơnau Pơnđik 10:19

Dilah oă jơnau, bơta tìs ò siơ̆u: Mơya cau git kơrhia đơs dô êt jơnau.

Jơnau Pơnđik 10:8

Cau gơs nùs jak chài, dòp leng ală bơta sồr lam, Ai cau gơs bơr tùl gơla rơp gơlik bơta roh rui.

Jơnau Pơnđik 12:13

Cau iơh bơsak gơkòl tòm dă bơh di bơta tìs sơndồi bol khai dê; Mơya cau song ring geh klàs bơh bơta bòl glar.

Jơnau Pơnđik 13:4

Nùs cau lơh alah kơp kòñ mơ ò geh phan lơi; Ai nùs cau tơryang tơryồng geh lìu làc phan ngui sa.

Jơnau Pơnđik 14:3

Tòm bơr cau tùl gơla gơs mơng pù lơh bơta pơnhừ să khai; Mơya sơndồi cau jak chài sền gàr khai.

Jơnau Pơnđik 18:21

Kis, chơt ơm hơđơm gơnoar lơmpiat dê; Cau kòñ gơboh gơ rơp sa plai đo gơ dê.

Jơnau Pơnđik 18:7

Bơr ală cau tùl gơla la bơta roh rui bol khai dê; Sơndồi bol khai ngan la dô nơm dă pơt hwềng soàn bol khai dê.

Jơnau Pơnđik 20:19

Cau đơs gơtrềng gơtràng yal tơlik bơta ndơp ndơr; behơ̆, bañ ring lơngai mơ cau jak pò bơr.

Jơnau Pơnđik 21:23

Cau lơi prap gàr bơr mơ lơmpiat he prap gàr hwềng soàn he klàs bơh bơta rung rài.

Jakơ 1:26

Dilah gơs cau lơi kơlôi lah he dòn jat jơnau song, mơ ò at bồ lơmpiat he mơya pơrlồm is nùs he, gen bơta dòn jơnau song cau hơ̆ dê la ò kwơ.

Ală Kwang Cahrña 16:11

Samsôn đơs lah: “Dilah cau cap añ mơ che tơrme òhềt cau ngui, gen añ rơp gơlik lơbơn kung be cau ndai.”

Ală Kwang Cahrña 16:17

Behơ̆ khai yal tơlik jơh ală bơta ndơp ndơr khai dê, mơ đơs mơ Delila lah: “Pềs koah ò tŭ lơi geh gan hơđang bồ añ, bơh añ la cau Najire Yàng Tom Trồ in bơh tòm kơndul mè. Dilah cau koah bồ añ gen bơta pràn kơldang añ rơp lik bơh añ, mơ añ rơp gơlik lơbơn kung be cau ndai.”