Jơnau Pơnđik 13:2 - Sră Goh 2018

² Kơnòm plai đo bơr sơndồi bol khai dê, cau lơbơn niam dòp geh bơta niam; Mơya bơta hàm kòñ cau pơrlơ̆ dră la bơta rhung rhang.

Jơnau Pơnđik 13:2 ပူးပေါင်းရင်းမြစ်များ

Đơs Crih 140:11

Dan bañ lòi cau đơs jơnau blac chừt bơtào tơngguh tòm lơgar; Lòi bơta iơh mhar ting mòc bàn cau kòñ lơh iơh.

Đơs Crih 75:8

Bơh tòm tê Yàng Jehôwa gơs mơngàn tơrnòm gơlik kơmbuh, Tơrnòm hơ̆ neh crài ring, Kơnràñ êt hòr lik bơh gơ, mơ jơh ală cau iơh bơsak tòm ù rơp ñô tơrnòm hơ̆ tus di but mơngàn.

Jơnau Pơnđik 1:18

Bulah behơ̆, bol khai kơp mòc nàng tơnchơt să tòm bol khai! Mơ kơp òm nàng tơnroh is bơta kis bol khai dê.

Jơnau Pơnđik 1:31

Behơ̆ tàng bol khai rơp sa plai đo gơlik bơh gùng dà bol khai dê, Mơ geh hừh nùs bơh kai gơrmơ̆i să tòm bol khai dê.

Jơnau Pơnđik 10:11

Bơr cau song ring la dô nơm croh dà bơta kis; Mơya bơr cau iơh bơsak pồn ndơp bơta rhung rhang.

Jơnau Pơnđik 11:23

Bơta kơp kòñ cau song ring dê mìng la bơta niam; Ai bơta kơp gơn cau iơh dê la bơta gơjrañ dờng.

Jơnau Pơnđik 12:14

Bơh cồng nha bơr sơndồi cau dê geh bềng ală phan niam; Mơ cau lơh broă bòl glar geh jền tơngai gơ dê.

Jơnau Pơnđik 18:20

Kơndul geh hòm lai bơh plai đo bơr he dê; Cồng nha sơndồi lơh hừh hơh.

Jơnau Pơnđik 18:21

Kis, chơt ơm hơđơm gơnoar lơmpiat dê; Cau kòñ gơboh gơ rơp sa plai đo gơ dê.

Jơnau Pơnđik 4:17

Tài bơh bol khai neh sa piang lă bơta iơh bơsak dê, Mơ ñô tơrnòm ño bơta rhung rhang dê.

Sră Ôse 10:13

Mơya bol mê neh lơòr bơta iơh bơsak, bol mê neh toès bơta ò song ring; bol mê neh sa plai bơta blac pơrlồm. Tài bơh bol mê neh kơnòm di bơta pràn bol mê dê, mơ oă ngan mpồl ling jak tòmlơh bol mê dê.

Habakuk 2:17

Bơh bơta rhung rhang mê neh lơh Liban in rơp jơm ndơp hơđang mê; mơ bơta tơnroh ală jơi phan poan jơng rơp lơh mê in rngòt rngơt. Bơh mê neh lơh gơhòr mhàm kòn mơnus dê; mê neh tơnroh ală lơgar, ală ƀòn dờng mơ jơh ală làng bol tòm hơ̆.

Habakuk 2:8

Tài bơh mê neh phà tòmpìt oă lơgar, ală làng bol gam kis rơp phà tòmpìt mê. Bơh mê neh lơh gơhòr mhàm cau; mê neh lơh jàñ bơsak mơ ală lơgar, ală ƀòn dờng mơ jơh tơl nă cau ơm tòm hơ̆.

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”