Jơnau Niam Jat Mak 9:7 - Sră Goh 2018

⁷ Tŭ hơ̆, gơs dô puk mhwal jơm gòm bol khai, mơ bơh tòm mhwal hơ̆ gơs jơnau đơs lah: “Do la Kòn kòñ gơboh Añ jê iat tĕ khai.”

Jơnau Niam Jat Mak 9:7 ပူးပေါင်းရင်းမြစ်များ

Đơs Crih 2:7

Añ rơp yal tơlik bơta lơh nền Yàng Jehôwa đơs mơ Añ lah: “Mê la Kòn Añ jê, ngai do Añ neh tơnggơs mê.

Đơs Crih 97:2

Mhwal mơ bơta klam jơngo ơm gùt dar Kơnràñ; Bơta song ring mơ bơta song ngan lơh gơs mơnàng sơbàn Kơnràñ dê.

Lik Ejiptơ 24:16

mơ bơta gơklŏ Yàng Jehôwa dê ơm hơđang mơnơm Sinai. Tòm prau ngai, mhwal jơm gòm mơnơm, tus di ngai poh Yàng Jehôwa ơm tòm puk mhwal hòi Môise.

Lik Ejiptơ 40:34

Gen gơs dô puk mhwal jơm gòm Sàl Tòm Mat, mơ bơta gơklŏ Yàng Jehôwa dê bềng lìu Hìu Ing Duh Khoai.

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Mathiơ 27:43

Khai dòn kơnòm di Yàng Tom Trồ; dilah Yàng Tom Trồ kòñ gơboh Khai, gen tŭ do lòi tĕ Kơnràñ dong klàs Khai, bơh Khai neh đơs lah: ‘Añ la Kòn Yàng Tom Trồ.’”

Mathiơ 27:54

Cau at dô rhiang ling bal mơ ală cau ling kơp gàr Yàng Jesu, gŏ ù gơlơnggơr mơ ală bơta neh gơlik gơs, gen rngòt rngơt oă ngan mơ đơs lah: “Ngan, Cau do la Kòn Yàng Tom Trồ.”

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Jơnau Niam Jat Mak 1:11

Mơ gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Jơnau Niam Jat Mak 9:6

Bơh Pier ò git ñchi jơnau khai đơs, tài bơh pe nă bol khai rngòt rngơt ngan.

Jơnau Niam Jat Mak 9:8

Nisơna cau bơtê tơnggòr sền gùt dar ò gŏ cau lơi tai, gam mìng dô nă Yàng Jesu lơm ơm bal mơ bol khai.

Luka 3:22

Yàng Hwềng Goh ai rùp să be sềm ntòp rơp hơđang Kơnràñ, gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Jang 1:34

Añ neh gŏ mơ lơh cơng lah, hơ̆ la Kòn Yàng Tom Trồ dê.”

Jang 1:49

Nathanael ho lah: “Rabi, Cau Bơto la Kòn Yàng Tom Trồ, Kơnràñ la Bơtau làng bol Israel dê!”

Jang 12:28

Ơ Bèp, dan lơh tĕ gơklŏ sơnđan Bèp.” Tŭ hơ̆ gơs jơnau bơh đang trồ đơs lah: “Añ neh lơh gơklŏ sơnđan rau, mơ Añ rơp lơh gơklŏ tai.”

Jang 19:7

Cau Juda ho lah: “Bol hi gơs dô bơta boh lam, jat bơta boh lam hơ̆ khai pal chơt, tài bơh khai neh sơnđan is să khai la Kòn Yàng Tom Trồ.”

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Jang 5:18

Tài bơh hơ̆, ală cau Juda sơlo jòi bơta nàng tơnchơt Kơnràñ, bơh Kơnràñ ò di mìng tìs ngai Saƀat lơm, mơya kung sơnđan Yàng Tom Trồ la Bèp, lơh is să he ndròm bal mơ Yàng Tom Trồ.

Jang 5:37

Să tòm Bèp la Bơtau neh sồr Añ lòt tus kung lơh cơng bơh Añ. Bol mê òhềt tŭ lơi kơno jơnau đơs Kơnràñ, kung òhềt tŭ lơi gŏ rùp să Kơnràñ dê.

Jang 6:69

Bol hi neh dòn mơ git lah, Kơnràñ la Bơtau sàng goh Yàng Tom Trồ dê.”

Jang 9:35

Yàng Jesu kơno bol hơ̆ neh bơtrơh tơlik khai, gen tàng tŭ tìp khai Kơnràñ lùp lah: “Mê dòn Kòn Yàng Tom Trồ sơl?”

Broă 1:9

Lồc Kơnràñ đơs ală jơnau hơ̆ rau, gen geh guh rê hơđang trồ tòm tŭ ală cau hơ̆ ơm tơnggòr sền, gơs mhwal mù rò Kơnràñ ndơp thit, bol khai ò gŏ tai.

Broă 7:37

Să tòm Môise do neh đơs mơ kòn sau Israel lah: ‘Yàng Tom Trồ rơp bơh digùl bol mê mơ bơtào tơngguh dô nă Cau gơnoar hwơr be añ.’

Broă 8:36

Tòm tŭ bàr nă bol khai lòt rò gùng, tus di tiah gơs dà, gen cau kwang kơndời hơ̆ đơs lah: “Do gơs dà do, gơs bơta lơi kơryan añ gơs ƀaptem sơl?” [

Rôma 1:4

jat hwềng bơta sàng goh dê, Kơnràñ geh ràng tơlik tòm gơnap gơnoar dờng ngan, geh kòp la Kòn Yàng Tom Trồ dê tòm bơta kis wơl bơh bơta chơt.

Hebrơ 2:1

Gen tàng, bol he sơlo pal ơn nùs kơlôi nền cê di ală bơta he neh kơno, rngòt bol he kòl pơrdô mòn.

II Pier 1:17

Bơh Kơnràñ neh dòp geh bơta màng ryŭ mơ bơta gơklŏ bơh Yàng Tom Trồ la Bèp, mơ gơs jơnau bơh tiah gơklŏ jòng ngan đơs mơ Kơnràñ lah: “Do la Kòn kòñ gơboh Añ jê, niam nùs Añ tòm ală bơta,”

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.