Jơnau Niam Jat Mak 9:20 - Sră Goh 2018

²⁰ Chòp bol khai cèng oh dềt hơ̆ Yàng Jesu in. Dơ̆ oh dềt gŏ Kơnràñ gen tŭ hơ̆ mo cà sơntơt rơnggô khai pràn ngan, gen khai gơplơ̆ tòm ù, gơpơrlă mơ gơlik kơmbuh bơr.

Jơnau Niam Jat Mak 9:20 ပူးပေါင်းရင်းမြစ်များ

Jơnau Niam Jat Mak 1:26

Chòp cà sơrglơm cau hơ̆ pràn ngan, ai jơnau hòi driau dờng mơ lik bơh di khai.

Jơnau Niam Jat Mak 9:18

Kòp dơ̆ cà lơh khai, gen gơ sơrglơm khai, lơh khai gơlik kơmbuh bơr, rkiat sề, mơ khai gơlik be cau chơt kơng. Añ neh dan mơ cau bơtê Kơnràñ dê bơtrơh cà hơ̆, mơya bol khai ò rgơi bơtrơh.”

Jơnau Niam Jat Mak 9:19

Yàng Jesu ho lah: “Ơ jơi bơtiàn ò dòn ne, Añ pal ơm mơ bol mê jơl tus di tŭ lơi taih? Añ kong ơt mơ bol mê jơl tus di tŭ lơi taih? Cèng tĕ kòn hơ̆ Añ in hơ do.”

Jơnau Niam Jat Mak 9:21

Yàng Jesu lùp bèp khai lah: “Khai gơlik be do neh nđò jŏ taih?” Bèp khai ho lah: “Bơh di tŭ gam dềt.

Jơnau Niam Jat Mak 9:26

Chòp cà driau dờng, sơntơt rơnggô oh dềt pràn ngan mơ lik bơh di khai. Oh dềt hơ̆ gơlik gơs be neh chơt, tian gơs oă cau đơs lah: “Khai neh chơt rau.”

Luka 4:35

Mơya Yàng Jesu lah pơrhơng gơ lah: “Thit tĕ mơ lik bơh di cau do.” Chòp cà sơrglơm cau hơ̆ digùl mpồl oă cau mơ lik, ò lơh bơta lơi iơh di khai.

Luka 8:29

Bơh Kơnràñ neh sồr cà hơ̆ pal lik bơh di khai. Tài bơh oă dơ̆ cà hơ̆ neh mut mơ rồn bơklơn khai, gen khai kòl cau cap mơ che sreng mơ tơndò gơsàng nàng sền gàr, mơ khai gơltac sreng mơ dơrpă gơsàng, mơ cà bơtrơh tơlik khai tòm ƀlàng bràs.

Luka 9:39

Tŭ gơkòl cà lơh, nisơna khai hòi driau, cà sơntơt rơnggô khai, lơh gơlik kơmbuh bơr, sồt brơp gơklò làm să, gen gơ lòi ing khai, ò bài lòi tơn.

Luka 9:42

Dơ̆ kòn klau lòt tus, cà sơrglơm khai, sơntơt rơnggô khai pràn ngan. Mơya Yàng Jesu lah pơrhơng cà, sơmbòi cau kơnòm hơ̆ mơ jào wơl bèp khai in.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.