Jơnau Niam Jat Mak 9:18 - Sră Goh 2018

¹⁸ Kòp dơ̆ cà lơh khai, gen gơ sơrglơm khai, lơh khai gơlik kơmbuh bơr, rkiat sề, mơ khai gơlik be cau chơt kơng. Añ neh dan mơ cau bơtê Kơnràñ dê bơtrơh cà hơ̆, mơya bol khai ò rgơi bơtrơh.”

Jơnau Niam Jat Mak 9:18 ပူးပေါင်းရင်းမြစ်များ

Sră Jop 16:9

Kơnràñ neh crè añ tòm bơta gơjrañ Kơnràñ dê, mơ gơjrañ di añ; Kơnràñ rkiat sề di añ, Cau sò tơm añ sền trol mat tòmdră di añ.

Đơs Crih 112:10

Cau iơh bơsak gŏ bơta hơ̆ gen gơhào gơjrañ; Khai rkiat sề mơ kòl roh thit; Bơta kơp kòñ cau iơh bơsak dê rơp gơlik ò kwơ.

Mathiơ 15:22

Ne, gơs dô nă cau ùr bơh lơgar Kanaan lik bơh tiah hơ̆ mơ rac dan lah: “Ơ Yàng, Kòn Dabit dê, dan nđàc sơngit di añ! Kòn ùr añ gơkòl cà lơh, bòl glar ngan.”

Mathiơ 17:16

Añ neh cèng khai tus hơ ală cau bơtê Kơnràñ dê, mơya bol khai ò rgơi sơmbòi.”

Mathiơ 8:12

Mơya ală kòn lơgar hơ̆ dê rơp gơkòl sơrbì hơ bơdìh tòm tiah klam jơngo, tềng hơ̆ rơp gơs ñìm rac mơ rkiat sề.”

Jơnau Niam Jat Mak 11:23

Di ngan Añ đơs mơ bol mê, cau lơi đơs mơ mơnơm do lah: ‘Yò tĕ să mơ ntruñ tòm dàlềng,’ dilah khai ò pin wil wơl tòm nùs mơya dòn nền cê jơnau he đơs rơp gơlik gơs ngan, gen ngan bơta hơ̆ rơp gơlik gơs.

Jơnau Niam Jat Mak 9:17

Gơs dô nă cau tòm mpồl làng bol ho lah: “Ơ Cau Bơto, añ neh cèng kòn klau añ jê lòt tus hơ Kơnràñ. Khai kòl cà kloat lơh,

Jơnau Niam Jat Mak 9:19

Yàng Jesu ho lah: “Ơ jơi bơtiàn ò dòn ne, Añ pal ơm mơ bol mê jơl tus di tŭ lơi taih? Añ kong ơt mơ bol mê jơl tus di tŭ lơi taih? Cèng tĕ kòn hơ̆ Añ in hơ do.”

Jơnau Niam Jat Mak 9:20

Chòp bol khai cèng oh dềt hơ̆ Yàng Jesu in. Dơ̆ oh dềt gŏ Kơnràñ gen tŭ hơ̆ mo cà sơntơt rơnggô khai pràn ngan, gen khai gơplơ̆ tòm ù, gơpơrlă mơ gơlik kơmbuh bơr.

Jơnau Niam Jat Mak 9:26

Chòp cà driau dờng, sơntơt rơnggô oh dềt pràn ngan mơ lik bơh di khai. Oh dềt hơ̆ gơlik gơs be neh chơt, tian gơs oă cau đơs lah: “Khai neh chơt rau.”

Broă 7:54

Ală bol hơ̆ kơno jơnau hơ̆, gen tơk òl gơhào nùs, mơ rkiat sề di Etien.

Jude 1:13

Bol khai la ryà dàlềng lơnggac dờng ngan, kơmbuh bơta ƀàssìl ƀàsso bol khai dê; bol khai kung be ală sơmañ lòt gơlềng gơlàng, mơ bơta klam jơngo cik neh geh prap lòi sùm sùm bol khai in.