Jơnau Niam Jat Mak 9:12 - Sră Goh 2018

¹² Kơnràñ ho lah: “Ngan Eli pal tus lài bơtào wơl jơh ală bơta. Ai jơnau neh cih bơh Kòn Mơnus lah Kơnràñ pal kong oă bơta bòl glar mơ gơkòl sền òsơp gen mbe lơi taih?

Jơnau Niam Jat Mak 9:12 ပူးပေါင်းရင်းမြစ်များ

Đơs Crih 74:22

Ơ Yàng Tom Trồ, dan guh, dong tò jơnau song Kơnràñ dê; Kah wơl mbe cau tùl gơla đơs bơtat bơtròh di Kơnràñ jơh ngai mho.

Esai 49:7

Yàng Jehôwa đơs be do: Bơtau Dong Tơwài Israel dê mơ la Bơtau Sàng Goh Kơnràñ dê, mơ cau kong sền òsơp, kong ƀòn lơgar sền ngkòr ngkàc cù kìr, la dĭ gơna ală cau kwang at bồ, lah: “Ală cau bơtau rơp gŏ mê mơ ñă ntào, ală cau kwang dờng rơp gŏ mơ tơmbic să, tài bơh Yàng Jehôwa la Bơtau dòn song, Bơtau Sàng Goh Israel dê la Bơtau neh sac rwah mê.”

Esai 50:6

Añ neh ai ngkòi Añ cau in pù lơh, ai tơrmồ Añ cau in dŭi sơnò tềp; Añ ò pồn mat bơh di cau dơñŏ tơnhial mơ choh dà diau hơđang Añ.

Esai 52:14

Kung be gơs oă cau gŏ Kơnràñ mơ ai lơh krơi, muh mat Kơnràñ ò niam rlau mơ jơh ală cau ndai, rùp să Kơnràñ ò gam be rùp să kòn mơnus tai.

Sacari 11:13

Mơ Yàng Jehôwa neh đơs mơ Añ lah: “Sang tĕ khà priă hơ̆ cau lơh glah in, hơ̆ la khà priă neh lơh nền Añ in.” Añ ai pe jơt pơnai priă mơ sơrbì gơ cau lơh glah hìu Yàng Tom Trồ dê.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Malaci 4:6

Khai rơp pơrlac nùs ală mè bèp wèt wơl mơ kòn sau bol khai dê, mơ nùs ală kòn sau wèt wơl mơ mè bèp bol khai dê; nàng Añ rơp ò tus ai bơta srat sơntơm mơ lơh glài lơgar do.”

Mathiơ 16:21

Bơh tŭ hơ̆, Yàng Jesu sơntòm yal ală cau bơtê in git Kơnràñ pal lòt tus hơ Jerusalem, pal kong oă bơta jê sồt bòl glar bơh ală cau kwang kra, ală cau gơnoar lam bồ ơn phan duh khoai, ală cau bơto bơta boh lam, mơ pal kong tơnchơt, tus dê ngai pe gen geh kis wơl.

Mathiơ 26:24

Kòn Mơnus lòt, jat be jơnau neh cih bơh Khai, mơya bòl glar cau do in la cau pơrlơ̆ dră di Kòn Mơnus! Chan ò deh khai la niam rlau.”

Jơnau Niam Jat Mak 10:33

“Do, bol he guh hơ Jerusalem. Kòn mơnus rơp gơkòl bơtào tòm tê ală cau gơnoar lam bồ ơn phan duh khoai mơ ală cau bơto bơta boh lam; bol khai rơp lơh nền glài chơt Khai in, mơ jào Khai tòm tê làng bol bơdìh.

Jơnau Niam Jat Mak 9:13

Mơya Añ đơs mơ bol mê lah: Eli neh tus rau mơ cau lơh di khai jat nùs kòñ bol khai dê, tòm toh be jơnau neh cih bơh khai.”

Jơnau Niam Jat Mak 9:31

Bơh Kơnràñ bơto sồr ală cau bơtê lah: “Kòn Mơnus rơp gơkòl bơtào tòm tê cau, mơ bol hơ̆ rơp tơnchơt Khai. Neh sir tơnchơt Khai, gen tơnơ̆ mơ pe ngai Khai rơp kis wơl.”

Luka 1:76

Behơ̆, ơ kòn, mê rơp geh sơnđan la cau gơnoar hwơr Bơtau Hơđang Rlau Jơh dê; Bơh mê rơp lòt di đap Yàng, wàs ală gùng dà Kơnràñ in,

Luka 23:11

Herôt mơ mpồl ling khai dê sền òsơp mơ dơñŏ tơnhial di Kơnràñ, tơnsoh ào bơnga gơcrà Kơnràñ in, gen sồr cèng wơl Kơnràñ hơ Pilat.

Luka 23:39

Tòm bàr nă cau glài kong yồng, dô nă dơñŏ tơnhial di Kơnràñ lah: “Mê ò di la Bơtau Krist ơ? Dong klàs tĕ să tòm mê mơ bol hi sơl.”

Broă 1:6

Behơ̆ tòm tŭ cau gơnoar bơto dờng ơm pơjum bal mơ Yàng Jesu, gen lùp Kơnràñ lah: “Ơ Yàng, tòm tŭ do Kơnràñ rơp bơtào wơl lơgar Israel sơl?”

Broă 4:11

Yàng Jesu la cau mơ Sră Goh neh cih lah: Kơnràñ la pơnai lŭ mơ ală ồng la cau bơt hìu neh sang tơlik, mơya neh gơlik gơs pơnai lŭ mum hìu wơl.