Jơnau Niam Jat Mak 8:12 - Sră Goh 2018

¹² Yàng Jesu tă nhơm dờng mơ đơs lah: “Ñchi bơh tài jơi bơtiàn do dan dô nơm tềl krơi taih? Di ngan Añ đơs mơ bol mê, rơp ò ai jơi bơtiàn do in dô nơm tềl krơi lơi ò.”

Jơnau Niam Jat Mak 8:12 ပူးပေါင်းရင်းမြစ်များ

Esai 53:3

Kơnràñ neh kong cau sền òsơp mơ sang lòi, git làm bơta moat jrùng, mòng mơ bơta jê sồt; be dô nă cau neh kong sền òsơp kung be cau mơ kòn mơnus pồn mat ò bài sền; bol he kung sền òsơp di Kơnràñ sơl.

Mathiơ 12:38

Tŭ hơ̆ gơs ală cau bơto bơta boh lam mơ cau Pharisi đơs mơ Yàng Jesu lah: “Ơ Cau Bơto, bol hi kòñ sền Ồng lơh dô nơm tềl krơi.”

Mathiơ 16:4

Jơi bơtiàn iơh bơsak rềs àr bơrnàn do dan dô nơm tềl krơi, mơya rơp ò ai bol khai in tềl krơi lơi rlau mơ tềl krơi Jôna dê.” Gen Kơnràñ lòi bol khai mơ lòt.

Jơnau Niam Jat Mak 3:5

Tŭ hơ̆ Kơnràñ sền làm di bol khai, gơjrañ mơ moat tài bơh nùs bol khai kră kơldang mơ tìs nrah, lồc behơ̆ Kơnràñ đơs mơ cau klau lah: “Pò tĕ tê mê dê.” Gen khai pò tê mơ gơ bòi.

Jơnau Niam Jat Mak 6:6

Kơnràñ ai lơh krơi bơh bơta ò dòn bol khai dê. Lồc behơ̆ Kơnràñ lòt làm jơh ală ƀòn gùt dar mơ bơto sồr.

Jơnau Niam Jat Mak 7:34

Chòp Yàng Jesu pò mat hơ trồ, tă nhơm dờng mơ đơs mơ khai lah: “Ephata!” Hơ̆ la: “Pò tơlik tĕ!”

Jơnau Niam Jat Mak 8:13

Chòp Kơnràñ lòi bol khai, mut wơl tòm ơhò nàng tiă đah bơtĭ ne.

Jơnau Niam Jat Mak 9:19

Yàng Jesu ho lah: “Ơ jơi bơtiàn ò dòn ne, Añ pal ơm mơ bol mê jơl tus di tŭ lơi taih? Añ kong ơt mơ bol mê jơl tus di tŭ lơi taih? Cèng tĕ kòn hơ̆ Añ in hơ do.”

Luka 19:41

Tòm tŭ Kơnràñ tus rềp, gŏ ƀòn dờng Jerusalem gen ñìm bơh gơ,