Jơnau Niam Jat Mak 7:7 - Sră Goh 2018

⁷ Bơta bol khai duh khoai Añ la ò kwơ, Bơh gùng duh khoai bol khai bơto mìng la bơta òs yau kòn mơnus dê, be la bơta boh lam Yàng Tom Trồ dê.’

Jơnau Niam Jat Mak 7:7 ပူးပေါင်းရင်းမြစ်များ

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Malaci 3:14

Bol mê neh đơs lah: ‘Duh broă Yàng Tom Trồ la ò kwơ. Ñchi bol he neh dòp geh tòm tŭ prap gàr ală bơta Kơnràñ sồr mơ cơnđòa lòt tòm bơta jê sồt moat jrùng di đap Yàng Jehôwa Gơnap Gơnoar Dờng Làm Jơh taih?

Mathiơ 15:9

Bol khai duh khoai Añ la ò kwơ, Bơh gùng duh khoai bol khai dê mìng la bơta sồr lam kòn mơnus dê lơm.’”

Mathiơ 6:7

Tòm tŭ bol mê hòi dan, bañ đơs ală jơnau rsĭ ò kwơ be làng bol bơdìh, bơh bol khai tồnlah jơnau đơs oă gen geh dòp.

I Kôrintô 15:14

mơ dilah Bơtau Krist neh ò geh kis wơl, gen bơta bơto yal bol hi dê gơlik ò kwơ, mơ bơta dòn oh mi dê kung ò kwơ sơl.

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

Yal Wơl 12:32

Bol mê kơrhia tĕ lơh jat jơh ală jơnau añ sồr bol mê; bañ bơtơl jơnau lơi hala tă pơndut jơnau lơi bơh di gơ.

Kôlôse 2:22

hơ̆ la gơwèt mơ ală phan dilah ngui gen gơ rơp roh rui lơm.

Sră Pơyoa Pol Dê Pơyoa Tit In 3:9

Mơya pal pleh di ală bơta tòm pơndang tùl gơla, ală jơnau jòi yau jat jơi, ală bơta pơndang mơ tòm pơndang bal bơh bơta boh lam, bơh ală bơta hơ̆ la ò kwơ mơ roh lơm.

Jakơ 1:26

Dilah gơs cau lơi kơlôi lah he dòn jat jơnau song, mơ ò at bồ lơmpiat he mơya pơrlồm is nùs he, gen bơta dòn jơnau song cau hơ̆ dê la ò kwơ.

Jakơ 2:20

Ơ cau tùl gơla ne, mê kòñ git lah bơta dòn ò gơs broă lơh la ò kwơ sơl?

Yal Tơlik 22:18

Añ yal jơh ală cau lơi in kơno ală jơnau gơnoar hwơr tòm sră do: Dilah cau lơi bơtơl bơta lơi tòm sră do, gen Yàng Tom Trồ rơp bơtơl cau hơ̆ in ală bơta rung rài neh cih tòm sră do.

I Samuel 12:21

Bañ wèt jat ală rùp ràk ò kwơ; bol gơ ò lơh bơta lơi niam bol mê in, hala dong tă bol mê, tài bơh bol gơ la ò kwơ.