Jơnau Niam Jat Mak 7:24 - Sră Goh 2018

²⁴ Chòp Yàng Jesu ñă bơh hơ̆, lòt tus hơ kơnhwàl lơgar Tirơ mơ Sidôn. Kơnràñ mut tòm dô nơm hìu, mơ ò bài ai cau in git, mơya ò rgơi pồn ndơp.

Jơnau Niam Jat Mak 7:24 ပူးပေါင်းရင်းမြစ်များ

Sơnròp Gơlik Gơs 10:15

Kanaan tơnggơs Sidôn, la kòn tơnhoa khai, mơ Het,

Sơnròp Gơlik Gơs 10:19

Mơ nhàr Kanaan la bơh Sidôn lòt jat gah Gerar tus hơ Gaja; mơ bơh đah Sôdôm, Gômôrơ, Atma mơ Sebôim lòt tus hơ Lasa.

Sơnròp Gơlik Gơs 49:13

Jebulun rơp ơm di gah dàlềng, Khai ơm di tiah kìng crŭ ală ơhò dê; Nhàr lơgar khai lòt tus hơ đah Sidôn.

Esai 23:12

Kơnràñ neh đơs lah: “Ơ Kòn ơruh dềt Sidôn dê la ală cau kong rồn bơklơn, ai rơp ò gam hòn chò tai. Guh tĕ, tiă tus hơ Kittim, bulah tềng hơ̆ ai kung rơp ò geh rlô.”

Esai 42:2

Khai rơp ò driau dờng hala pò bơr, ò đơs sap dờng tòm ală gùng me.

Ejekiel 28:2

“Ơ kòn mơnus, đơs tĕ mơ cau at bồ Tirơ lah: Jehôwa Yàng Tom Trồ đơs be do: ‘Tài bơh nùs mê pơnhừ să gen mê neh đơs lah: “Añ la dô nă yàng; Añ nggui hơđang sơbàn ală yàng dê ơm tòm plai nùs dàlềng.” Mơya mê la dô nă kòn mơnus, ò di la dô nă yàng, bulah mê pơndròm dơngoh kơlôi mê mơ dơngoh kơlôi dô nă yàng dê.

Mathiơ 11:21

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh geh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, ơm tòm bùh mơ gơjrañ sang glài neh jŏ rau.

Mathiơ 9:28

Dơ̆ Kơnràñ mut tòm hìu rau, bàr nă cau jơngo hơ̆ tus hơ Kơnràñ. Yàng Jesu đơs mơ bol khai lah: “Bol mê dòn Añ rgơi lơh bơta bol mê dan sơl?” Bol khai ho lah: “Ơ Yàng, bol hi dòn.”

Jơnau Niam Jat Mak 2:1

Dô êt ngai tơnơ̆, Yàng Jesu rê wơl hơ Kapenaum, mơ cau kơno yal lah Kơnràñ ơm tòm hìu.

Jơnau Niam Jat Mak 7:23

Jơh ală bơta iơh bơsak hơ̆ gơlik bơh tòm nùs mơ lơh cau in ƀơ̆ ƀơl.”

Jơnau Niam Jat Mak 7:25

Tŭ hơ̆ mo gơs dô nă cau ùr gơs kòn ùr dềt kòl cà lơh. Khai neh kơno yal bơh Yàng Jesu gen mut tơmbic să di jơng Kơnràñ.

Jơnau Niam Jat Mak 7:31

Yàng Jesu lik bơh kơnhwàl Tirơ, lòt gan Sidôn mơ tus hơ dàlềng Galile, tòm gùng lòt hơ kơnhwàl Dekapôl.

I Timôthe 5:25

Kung behơ̆ sơl, gơs broă niam geh ràng tơlik loh làng, mơ kung gơs broă òhềt geh ràng tơlik, mơ tơnơ̆ wơl kung ò rgơi pồn ndơp sơl.