Jơnau Niam Jat Mak 6:52 - Sră Goh 2018

⁵² bơh ò git wă loh làng bơta krơi bơh ală piang lă, ai pram rbô nă cau sa, tài bơh nùs bol khai gam kră kơldang.

Jơnau Niam Jat Mak 6:52 ပူးပေါင်းရင်းမြစ်များ

Esai 63:17

Ơ Yàng Jehôwa, ñchi bơh tài Kơnràñ lòi bol hi lòt tìs nrah ngài bơh di gùng Kơnràñ dê, mơ lơh kơldang nùs bol hi dê tian gơs bol hi ò ki ngàm di Kơnràñ taih? Dan Yàng rê wơl, tài bơh ală cau duh broă Kơnràñ dê, tài bơh ală jơi bơtiàn la phan jơtài Kơnràñ dê.

Jơnau Niam Jat Mak 16:14

Tơnơ̆ tai, Yàng Jesu tơlik să mơ jơt dùl nă cau bơtê tòm tŭ bol khai nggui sào, Kơnràñ lah pơrhơng bol khai bơh bơta ò dòn mơ nùs kră kơldang, tài bơh bol khai ò dòn ală cau neh gŏ Kơnràñ tơnơ̆ mơ tŭ Kơnràñ kis wơl.

Jơnau Niam Jat Mak 3:5

Tŭ hơ̆ Kơnràñ sền làm di bol khai, gơjrañ mơ moat tài bơh nùs bol khai kră kơldang mơ tìs nrah, lồc behơ̆ Kơnràñ đơs mơ cau klau lah: “Pò tĕ tê mê dê.” Gen khai pò tê mơ gơ bòi.

Jơnau Niam Jat Mak 7:18

Yàng Jesu đơs lah: “Bol mê kung ò gơs bơta git wă rlau sơl ơ? Bol mê òhềt wă lah phan lơi bơh bơdìh mơ mut tòm cau ò rgơi lơh ƀơ̆ ƀơl cau hơ̆ in sơl ơ?

Luka 24:25

Tŭ hơ̆ Yàng Jesu đơs lah: “Ơ cau bơrngơl gơla, gơs nùs òbat dòn jơh ală jơnau cau gơnoar hwơr neh đơs.

Jang 12:40

“Yàng neh lơh mat bol khai jơngo, nùs bol khai kră kơldang, Rngòt mat bol khai sền gŏ, nùs bol khai git wă, Mơ gơjrañ sang glài, Nàng Añ sơmbòi bol khai in.”

Rôma 11:7

Behơ̆ gen mbe lơh taih? Bơta làng bol Israel jòi jat gen bol khai ò geh; ală cau geh sac rwah gen neh dòp geh, mơya ală cau gam wơl gơlik gơs kơldang nùs,