Jơnau Niam Jat Mak 6:41 - Sră Goh 2018

⁴¹ Gen Yàng Jesu ai pram nơm piang lă mơ bàr nơm ka hơ̆, pò mat hơ trồ mơ ưnngài Yàng Tom Trồ, gen dơrkă piang lă tong ală cau bơtê in, nàng tòmpà mpồl làng bol in, mơ tai, kung tòmpà bàr nơm ka jơh ală bol khai in sơl.

Jơnau Niam Jat Mak 6:41 ပူးပေါင်းရင်းမြစ်များ

Mathiơ 14:19

Gen Kơnràñ sồr mpồl làng bol nggui dê ñhơt, ai pram nơm piang lă mơ bàr nơm ka hơ̆, pò mat hơ trồ mơ ai lơngai, gen dơrkă piang lă tong ală cau bơtê in, ală cau bơtê tòmpà mpồl làng bol in.

Mathiơ 15:36

Chòp Kơnràñ ai poh nơm piang lă mơ ka, ưnngài, dơrkă gen tong ală cau bơtê in, ală cau bơtê tòmpà mpồl làng bol in.

Mathiơ 26:26

Tòm tŭ sa, Yàng Jesu ai piang lă, ưnngài, dơrkă, gen tong ală cau bơtê in mơ đơs lah: “Ai tĕ mơ sa, do la să jan añ.”

Jơnau Niam Jat Mak 14:22

Tòm tŭ sa, Yàng Jesu ai piang lă, hòi dan ưnngài, gen dơrkă mơ tong bol khai in mơ đơs lah: “Ai tĕ, do la să jan Añ jê.”

Jơnau Niam Jat Mak 6:40

Ală cau hơ̆ nggui mơ sèng, sèng ƀà dô rhiang, sèng ƀà pram jơt.

Jơnau Niam Jat Mak 6:42

Jơh tơl nă sa hòm lơm.

Jơnau Niam Jat Mak 7:34

Chòp Yàng Jesu pò mat hơ trồ, tă nhơm dờng mơ đơs mơ khai lah: “Ephata!” Hơ̆ la: “Pò tơlik tĕ!”

Jơnau Niam Jat Mak 8:19

Tòm tŭ Añ dơrkă pram nơm piang lă ai pram rbô nă cau in, bol mê dòñ pet tơngkah bềng nđò bài taih?” Bol khai ho lah: “Jơt bàr bài.”

Luka 24:30

Tòm tŭ Kơnràñ nggui di cơnòng sa bal mơ bol khai, gen Kơnràñ ai piang lă, ai lơngai, dơrkă mơ tong bol khai in.

Luka 9:16

Gen Kơnràñ ai pram nơm piang lă mơ bàr nơm ka hơ̆, tơnggòr hơ trồ, ai lơngai, dơrkă, mơ tong ală cau bơtê in nàng tòmpà mpồl làng bol in sa.

Jang 11:41

Behơ̆, bol khai pơrlă pơnai lŭ. Yàng Jesu tơnggòr hơđang mơ đơs lah: “Ơ Bèp, Añ ưnngài Bèp, bơh neh dòp jơnau Añ.

Jang 17:1

Tòm tŭ neh đơs ală jơnau hơ̆ rau, Yàng Jesu tơnggòr hơđang trồ mơ đơs lah: “Ơ Bèp, jơ neh tus, dan lơh gơklŏ Kòn in tồ Kòn kung lơh gơklŏ Bèp in sơl,

Jang 6:11

Yàng Jesu ai piang lă kòi mi, ưnngài, lồc behơ̆ pà ală cau neh nggui in; ka kung behơ̆ sơl, bol khai kòñ kàr lơi di lơm.

Jang 6:23

Mơya gơs ală ơhò ndai bơh Tiberias lòt tus rềp di tiah bol khai neh sa piang lă tòm tŭ Yàng Jesu neh ưnngài rau.

Broă 27:35

Neh đơs behơ̆ rau, Pol ai piang lă, ntào di đap jơh ală cau mơ ưnngài Yàng Tom Trồ, lồc behơ̆ dơrkă piang lă mơ sa lài.

Rôma 14:6

Cau prap gàr ngai la bơh Yàng mơ prap gàr; cau sa la bơh Yàng mơ sa, bơh bol khai ưnngài Yàng Tom Trồ; cau ò sa kung bơh Yàng mơ ò sa, mơ bol khai kung ưnngài Yàng Tom Trồ sơl.

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

Yal Wơl 8:10

Behơ̆, bol mê rơp sa hòm lai, mơ jòng ro Jehôwa Yàng Tom Trồ bol mê dê. Tài bơh lơgar hàng mơnĕ mơ Kơnràñ neh ai bol mê in.

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

I Samuel 9:13

Tòm tŭ ală ồng mut tòm ƀòn dờng gen ală ồng rơp bàn khai lài mơ tŭ khai guh hơ tiah jơnhoa nàng sa. Làng bol rơp ò sa lài mơ tŭ khai tus, tài bơh khai pal ai lơngai phan ơn hơ̆ in; lồc behơ̆ ală cau geh jà rơp sa. Tŭ do guh tĕ; ală ồng rơp tìp khai tòm jơ do mo.”