Jơnau Niam Jat Mak 5:43 - Sră Goh 2018

⁴³ Mơya Yàng Jesu bơkơŭ kràñ cê ală bol hơ̆ bañ yal cau lơi in git bơta hơ̆, mơ sồr ai oh ùr hơ̆ in sào.

Jơnau Niam Jat Mak 5:43 ပူးပေါင်းရင်းမြစ်များ

Mathiơ 8:4

Yàng Jesu đơs tai mơ khai lah: “Bañ yal mơ cau lơi, mơya lòt tĕ sơnio să mê mơ cau gơnoar ơn phan duh khoai, mơ ơn phan be Môise neh sồr nàng lơh cơng bol khai in.”

Jơnau Niam Jat Mak 7:36

Yàng Jesu bơkơŭ bol khai bañ yal jơnau hơ̆ cau lơi in, mơya Kơnràñ sơlo bơkơŭ gen cau sơlo yal tai jơnau hơ̆.

Jơnau Niam Jat Mak 1:43

Yàng Jesu sồr khai lik lòt mo, mơ ai jơnau kràñ cê nting lah:

Mathiơ 9:30

Mat bol khai gơ pò mo. Yàng Jesu ai jơnau kràñ cê đơs lah: “Bañ ai cau lơi in git.”

Jang 5:41

Añ ò jòi bơta gơklŏ bơh di cau ò;

Luka 8:56

Mè bèp khai ai lơh crih crài ngan, mơya Kơnràñ sồr bol khai bañ yal cau lơi in bơta neh gơlik gơs.

Luka 5:14

Kơnràñ sồr khai lah: “Bañ yal mơ cau lơi, mơya lòt tĕ sơnio să mơ cau gơnoar ơn phan duh khoai; bơh mê neh geh goh, gen ơn tĕ phan be Môise neh sồr, nàng lơh cơng bol khai in.”

Jơnau Niam Jat Mak 3:12

Mơya Kơnràñ bơkơŭ bol gơ, ò ai yal cau lơi in git Kơnràñ.

Mathiơ 17:9

Tòm tŭ mù bơh mơnơm, Yàng Jesu bơkơŭ bol khai lah: “Bañ yal bơta gơtơnggŏ hơ̆ cau lơi in, jơl tus di tŭ Kòn Mơnus kis wơl bơh bơta chơt.”

Broă 10:41

ò dimơ jơh làng bol, mơya tơlik să mơ bol hi la ală cau lơh cơng mơ Yàng Tom Trồ neh sac lài, la cau sa hùc bal mơ Kơnràñ, tơnơ̆ mơ tŭ Kơnràñ neh kis wơl bơh bơta chơt.

Luka 24:30

Tòm tŭ Kơnràñ nggui di cơnòng sa bal mơ bol khai, gen Kơnràñ ai piang lă, ai lơngai, dơrkă mơ tong bol khai in.

Jơnau Niam Jat Mak 5:42

Tŭ hơ̆ mo oh ùr hơ̆ guh mơ cơnđòa lòt, bơh khai neh tơl jơt bàr nam. Ală bol hơ̆ ai lơh crih crài oă ngan.

Jơnau Niam Jat Mak 9:9

Tòm tŭ mù bơh mơnơm, Kơnràñ bơkơŭ bol khai bañ yal cau lơi in ală bơta bol khai neh gŏ, jơl tus di tŭ Kòn Mơnus kis wơl bơh bơta chơt.