Jơnau Niam Jat Mak 5:36 - Sră Goh 2018

³⁶ Mơya Yàng Jesu ò gơjal bơh jơnau hơ̆ gen đơs mơ khai lah: “Bañ rngòt, mìng dòn lơm.”

Jơnau Niam Jat Mak 5:36 ပူးပေါင်းရင်းမြစ်များ

II Yal Yau 20:20

Bol khai guh gòñ bơh rìng àng, mơ lik lòt hơ ƀlàng ngềt ngơt Tekôa; mơ tòm tŭ bol khai lik lòt, Jehôsaphat ñă ntào mơ đơs lah: “Dan iat añ, ơ Juda mơ làng bol Jerusalem! Dòn tĕ di Jehôwa la Yàng Tom Trồ bol mê dê, gen bol mê rơp geh ntào kơ̆; dòn tĕ ală cau gơnoar hwơr Kơnràñ dê.”

Mathiơ 17:20

Kơnràñ ho lah: “Tài bơh bol mê gơs dô êt bơta dòn. Bơh di ngan Añ đơs mơ bol mê, dilah bol mê gơs bơta dòn be dô nơm gar sơbê, gen rơp đơs mơ mơnơm do lah: ‘Ñă lòt tĕ bơh tềng do tus hơ ne,’ gen gơ lòt; mơ ò gơs bơta lơi la bol mê ò rgơi lơh.” [

Mathiơ 9:18

Tòm tŭ Yàng Jesu đơs ală jơnau hơ̆, gơs dô nă cau at bồ hìu jum tus, cùn khoai Kơnràñ mơ đơs lah: “Kòn ùr añ pa chơt; dan Kơnràñ tus ơn tê hơđang khai nàng khai in kis.”

Jơnau Niam Jat Mak 5:22

Jeru la dô nă cau at bồ hìu jum Juda lòt tus, gŏ Yàng Jesu, gen tơmbic să di jơng Kơnràñ,

Jơnau Niam Jat Mak 5:34

Yàng Jesu đơs mơ khai lah: “Ơ kòn ùr, bơta dòn ai neh sơmbòi ai. Rê tĕ lơngap lơngai, mơ geh bòi tĕ kòp ai dê.”

Jơnau Niam Jat Mak 9:23

Yàng Jesu ho lah: “Mbe mê đơs: ‘Dilah Kơnràñ rgơi lơh taih?’ Cau lơi dòn gen jơh ală broă rgơi geh lơm.”

Luka 8:50

Mơya Yàng Jesu kơno behơ̆ gen đơs mơ khai lah: “Bañ rngòt, mìng dòn lơm, gen kòn ùr mê dê rơp geh sơmbòi.”

Jang 11:40

Yàng Jesu đơs tai lah: “Añ ò di neh đơs mơ ai lah dilah ai dòn gen rơp gŏ bơta gơklŏ Yàng Tom Trồ dê ò ơ?”