Jơnau Niam Jat Mak 5:13 - Sră Goh 2018

¹³ Yàng Jesu ai gơnoar bol gơ in. Ală cà lik bơh di cau hơ̆, gen mut tòm mpồl sur; mpồl sur hơ̆ pơgap di bàr rbô nơm, bơh kơh ntruñ tòm dàlềng, dà bŭ chơt jơh.

Jơnau Niam Jat Mak 5:13 ပူးပေါင်းရင်းမြစ်များ

I Ală Bơtau 22:22

Hwềng hơ̆ ho lah: “Añ rơp lòt mơ lơh gơs dô nơm hwềng đơs blac tòm bơr ală cau gơnoar hwơr khai dê.” Yàng Jehôwa đơs lah: “Mê la cau pơndòm ơniai khai, lòt tĕ mê rơp lơh behơ̆, mơ rơp gơlik gơs.”

Sră Jop 1:12

Yàng Jehôwa đơs mơ Satan lah: “Niam ngan, behơ̆ gen jơh ală phan khai neh gơs la ơm tòm gơnoar mê dê; mìng bañ pò tê mê dê tòmdră mơ să jan khai.” Behơ̆, Satan lik lòt bơh di đap Yàng Jehôwa.

Sră Jop 2:6

Yàng Jehôwa đơs mơ Satan lah: “Niam ngan, khai ơm tòm gơnoar mê dê, mơya mìng prap gàr bơta kis khai dê.”

Mathiơ 7:6

Bañ ai so in phan sàng goh, kung bañ sơrbì lŭ kràng màng he dê sur in, rngòt gơ jă mơ jơng mơ gơ wơl kap crè bol mê mòn.”

Mathiơ 8:32

Kơnràñ sồr lah: “Lòt tĕ.” Ală cà lik, mut tòm mpồl sur; mpồl sur bơh kơh ntruñ tòm dàlềng, gen dà bŭ chơt jơh.

Jơnau Niam Jat Mak 5:12

Ală cà rac dan mơ Kơnràñ lah: “Dan ai bol hi in mut tòm ală sur hơ̆.”

Jơnau Niam Jat Mak 5:14

Ală cau ê sur ntoat dô, yal wơl jơnau do tòm ƀòn dờng mơ tòm ƀòn dềt. Ƀòn lơgar lik lòt nàng sền bơta neh gơlik gơs hơ̆.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.

Yal Tơlik 20:7

Tòm tŭ dô rbô nam neh lồi rau, cà Satan rơp geh hồ toh bơh tiah jàm,

Yal Tơlik 9:11

Bơtau bol gơ la cau gơnrơh brong jrô hùt hung dê. Sơnđan khai jat jơnau Hebrơ la Abadôn, mơ jat jơnau Grek la Apôlyôn.