Jơnau Niam Jat Mak 4:31 - Sră Goh 2018

³¹ Lơgar hơ̆ la kung be dô gar sơbê cau sih tòm ù, gơ dềt rlau jơh mơ ală gar ndai hơđang ù do,

Jơnau Niam Jat Mak 4:31 ပူးပေါင်းရင်းမြစ်များ

Esai 53:12

Gen tàng Añ rơp ai Kơnràñ in dô pơnah bal mơ ală cau dờng ryŭ, Kơnràñ rơp tòmpà ală phan tòmpìt geh bal mơ ală cau pràn kơldang, tài bơh Kơnràñ neh tuh bơta kis Kơnràñ dê jơl chơt, mơ neh kong kòp bal mơ cau tìs glài. Bơh Kơnràñ neh àñ tồi glài oă cau in, mơ hòi dan ala ală cau tìs glài in.

Esai 53:2

Bơh Khai neh brồ dờng di đap Yàng Jehôwa kung be dô nơm sơmbut, mơ kung be dô nơm ryas gơcat bơh di ù rañ rsơh. Kơnràñ ò gơs rùp să hàng mơnĕ hala ryŭ ryơm tồ bol he sền di Kơnràñ, ò gơs bơta lơi tòm rùp să Kơnràñ lơh bol he in gơboh gơbài di Kơnràñ.

Esai 60:22

Cau dô êt rlau jơh tòm mê rơp gơlik gơs dô jơi bơtiàn, cau dềt rhền rlau jơh rơp gơlik dô nơm làng bol pràn kơldang. Añ la Yàng Jehôwa, di di tŭ tơngai gơ dê, Añ rơp lơh gơlik gơs mhar ală bơta hơ̆!

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Sacari 12:8

Tòm ngai hơ̆, Yàng Jehôwa rơp cang kìng ală cau ơm tòm Jerusalem, tian gơs ală cau lơbơn rlau jơh tòm gùl bol khai rơp gơlik gơs kung be Dabit, mơ hìu Dabit rơp gơlik gơs kung be Yàng Tom Trồ, kung be cau gơnrơh Yàng Jehôwa dê ơm di đap bol khai.

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Jơnau Niam Jat Mak 4:30

Yàng Jesu lùp lah: “Bol he pơndròm lơgar Yàng Tom Trồ dê mơ bơta lơi hala ai jơnau pơnyơu lơi nàng yal tơlik taih?

Jơnau Niam Jat Mak 4:32

mơya dơ̆ neh sih rau, gơhòn mơ gơlik dờng rlau jơh mơ ală biap, mơ gơcah gơs ntê dờng tian gơs sềm rgơi lơh rsòn di gơ.”

Luka 17:6

Yàng đơs mơ bol khai lah: “Dilah bol mê gơs bơta dòn be dô gar sơbê, mơ sồr chi sơr do lah: ‘Dus tĕ să mê mơ tam tòm dàlềng,’ gen ngan gơ rơp dòn bơr bol mê.

Broă 19:20

Behơ̆, kơnòm gơnap gơnoar Yàng dê, jơnau Yàng kư̆ geh ntoat tơngguh mơ sơlo ngai sơlo kơ̆ nền.

Broă 2:41

Behơ̆ ală cau dòn jơnau hơ̆ gen gơs ƀaptem; mơ tòm ngai hơ̆ gơs pơgap pe rbô nă cau bơtơl tai tòm mpồl bol khai.

Broă 21:20

Tòm tŭ kơno rau, gen bol khai jòng ro Yàng Tom Trồ, mơ đơs mơ Pol lah: “Ơ bi, bi rgơi gŏ ò git nđò rbô nă cau Juda neh dòn jat, mơ jơh tơl nă bol khai ngac ngar ngan bơh bơta boh lam.

Broă 4:4

Bulah behơ̆, tòm ală cau iat jơnau Yàng gơs oă cau dòn, ntum cau klau gơbơtơl tus di pơgap pram rbô nă.

Broă 5:14

Ntum cau dòn Yàng sơlo ngai sơlo gơbơtơl oă tai, cau ùr cau klau gal ngan,

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”