Ală cau lơi kòñ ràng tơlik bơta niam poac să dê, gen bơklơn oh mi pal kong siat gơltau, tồ bol khai pleh klàs di bơta kup kơryan bơh chi pơng Bơtau Krist dê.
tơ ài lah cau jă trơm Kòn Yàng Tom Trồ, sền mhàm bơta ho bal neh lơh khai in geh gơlik gơs sàng goh la mhàm ƀơ̆ ƀơl, mơ sền òsơp di Yàng Hwềng neh ai bơta nđàc, gen oh mi kơlôi lah cau hơ̆ ò di pal kong lơh glài kơnjơ̆ rlau ò ơ?
Bol khai neh bơh digùl bol he mơ lik, mơya ò di bal mơ bol he; bơh dilah bol khai bal mơ bol he, gen neh kư̆ ơm bal mơ bol he; mơya bol khai neh lik lòt tồ yal tơlik lah jơh ală bol khai ò di bal mơ bol he.
Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’
‘Añ git tiah mê ơm, hơ̆ la tiah gơs sơbàn cà Satan dê, mê kơrmap kơ̆ sơnđan Añ, mê neh ò pơndang sang bơta dòn di Añ, bulah tòm ală ngai hơ̆ cau lơh cơng Añ jê la Antipa, la cau dòn song Añ jê, neh kong tơnchơt digùl oh mi, la tiah cà Satan ơm.