Jơnau Niam Jat Mak 2:8 - Sră Goh 2018

⁸ Tòm hwềng nùs Yàng Jesu git bol khai bơyai bal behơ̆, gen đơs mo lah: “Ñchi bơh tài bol mê kơlôi is tòm nùs behơ̆ taih?

Jơnau Niam Jat Mak 2:8 ပူးပေါင်းရင်းမြစ်များ

I Yal Yau 29:17

Ơ Yàng Tom Trồ añ jê, añ git la Yàng sền sơwì nùs cau mơ niam nùs di bơta song ngan. Tòm bơta song ngan nùs añ jê, añ neh ơn dô bă khat gơboh jơh ală phan do. Mơ tŭ do añ neh sền gŏ làng bol Kơnràñ dê, la ală cau gơs mat tềng do hòn chò ơn Yàng in dô bă chò nùs.

Đơs Crih 139:2

Yàng git tòm tŭ añ nggui mơ tòm tŭ añ ñă ntào; Yàng git loh ală bơta kơlôi sơnơng añ jê bơh tiah ngài.

Jơnau Pơnđik 15:26

Bơta kơlôi sơnơng iơh la cù kìr Yàng Jehôwa in; Mơya jơnau sàng goh niam nùs Kơnràñ.

Jơnau Pơnđik 24:9

Bơta kơlôi sơnơng bơrngơl gơla hơ̆ la tồi glài; cau dơñŏ tơnhial ai lơh cù kìr kòn mơnus in.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Ejekiel 38:10

Jehôwa Yàng Tom Trồ đơs be do: “Tòm ngai hơ̆, gơs ală bơta kơlôi sơnơng tus tòm dơngoh mê, mơ mê rơp bơtào lơh nền dô nơm kai gơrmơ̆i iơh rmơh.

Mathiơ 12:15

Yàng Jesu git bơta hơ̆ gen pleh lòt bơh tềng hơ̆. Gơs oă cau lòt jat Kơnràñ, Kơnràñ sơmbòi jơh tơl nă,

Mathiơ 16:7

Bol khai bơyai bal lah: “Hơ̆ la tài bơh bol he ò cèng piang lă.”

Mathiơ 9:4

Yàng Jesu git bơta kơlôi bol khai dê gen đơs lah: “Ñchi bơh tài bol mê kơlôi sơnơng iơh tòm nùs behơ̆ taih?

Jơnau Niam Jat Mak 2:7

“Ñchi bơh tài cau do đơs behơ̆ taih? Khai đơs tràl sơrbil ngan! Rlau mơ dô Bơtau la Yàng Tom Trồ, ñcau rgơi toh glài taih?”

Jơnau Niam Jat Mak 2:9

Jat bol mê gen đơs mơ cau gơlte lah: ‘Tồi glài mê neh geh toh,’ hala đơs: ‘Ñă ntào tĕ, at cơnòng mê mơ lòt;’ jơnau lơi la ƀuơn rlau taih?

Jơnau Niam Jat Mak 7:21

Ngan la bơh tòm dơlam, hơ̆ la bơh tòm nùs cau, sồng gơlik ală bơta kơlôi iơh, rềs àr, ntung kơñau, tơnchơt cau, bơrnàn.

Luka 24:38

Kơnràñ đơs lah: “Ñchi bơh tài bol mê dơrcul, mơ ñchi bơh tài tòm nùs bol mê pin wil wơl behơ̆ taih?

Luka 5:22

Mơya Yàng Jesu git bơta bơyai bal bol khai dê, gen lùp lah: “Ñchi bơta bol mê bơyai bal tòm nùs taih?

Luka 6:8

Mơya Yàng Jesu git ală bơta kơlôi sơnơng bol khai dê, gen đơs mơ cau siar mpàng tê hơ̆ lah: “Ñă tĕ, ntào digùl do.” Gen khai ñă ntào.

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Jang 6:64

Mơya dô êt nă tòm bol mê gơs cau ò dòn.” Bơh Yàng Jesu neh git bơh sơnròp ñcau la cau ò dòn, ñcau la cau rơp pơrlơ̆ dră di Kơnràñ.

Broă 5:3

Pier đơs mơ khai lah: “Ơ Anania, ñchi bơh tài mê lòi cà Satan at bồ mê, tian gơs mê neh đơs blac mơ Yàng Hwềng Goh, mơ prap wơl dô pơnah jền mê tac sre hơ̆ taih?

Broă 8:22

Behơ̆ gơjrañ sang glài tĕ bơh bơta iơh bơsak mê dê, mơ hòi dan mơ Yàng, tồ bơta kơlôi nùs mê dê hơ̆ digơlan geh toh mê in.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.