Jơnau Niam Jat Mak 2:27 - Sră Goh 2018

²⁷ Yàng Jesu đơs tai lah: “Ngai Saƀat neh geh bơtào gơs tài bơh niam kòn mơnus in, ò di kòn mơnus neh geh crơng gơs tài bơh ngai Saƀat.

Jơnau Niam Jat Mak 2:27 ပူးပေါင်းရင်းမြစ်များ

Lik Ejiptơ 23:12

Lơh tĕ broă bol mê dê tòm prau ngai, mơya tòm ngai poh gen bañ lơh broă, tồ kơnrồ mơ alàng bol mê dê geh rlô, mơ cau dĭ deh tòm hìu mê dê bal mơ cau làng bơdìh rgơi geh bơtơl pràn wơl.

Esai 58:13

Dilah bol mê prap gàr jơng bol mê dê nàng ò lơh tìs ngai Saƀat, bơh ting jat nùs bol mê kòñ tòm ngai sàng goh Añ jê; dilah bol mê sơnđan ngai Saƀat la ngai bol mê niam nùs, mơ ngai sàng goh Yàng Jehôwa dê la pal ki ngàm; mơ dilah mê ki ngàm di ngai hơ̆ mơ ò lòt tòm gùng is bol mê dê, mơ ò lơh jat nùs bol mê kòñ, hala đơs ală jơnau ò kwơ;

Ejekiel 20:12

Añ kung neh ai bol khai in ală ngai Saƀat Añ jê be dô nơm tềl digùl Añ mơ bol khai, nàng bol khai in git lah Añ la Yàng Jehôwa neh lơh bol khai in gơlik gơs sàng goh.

Ejekiel 20:20

Prap gàr tĕ sàng goh ală ngai Saƀat Añ jê nàng lơh gơs dô nơm tềl digùl Añ mơ bol mê. Gen bol mê rơp git Añ la Jehôwa Yàng Tom Trồ bol mê dê.’

Jơnau Niam Jat Mak 2:28

Behơ̆ gen Kòn Mơnus kung la Yàng ngai Saƀat dê sơl.”

Luka 6:9

Yàng Jesu đơs mơ bol khai lah: “Añ lùp bol mê, tòm ngai Saƀat geh gơnoar lơh broă niam hala broă iơh, dong klàs bơta kis hala tơnroh bơta kis taih?”

Jang 7:23

Dilah cau klau kong siat gơltau tòm ngai Saƀat tồ ò tìs mơ bơta boh lam Môise dê, gen ñchi bơh tài bol mê gơjrañ di Añ, bơh Añ sơmbòi wil tơl dô nă cau tòm ngai Saƀat taih?

II Kôrintô 4:15

Bơh jơh ală bơta gơlik gơs la tài bơh oh mi, tồ bơta nđàc bơh oă cau sơlo bơtơl oă ngan, nàng lơh bơta ưnngài kung sơlo bơtơl tơngkah tơngkañ, mơ lơh gơklŏ Yàng Tom Trồ in.

Yal Wơl 5:12

Kah prap tĕ ngai Saƀat lơh gơs ngai sàng goh jat be Jehôwa Yàng Tom Trồ bol mê dê neh sồr bol mê.

Yal Wơl 5:14

mơya ngai poh la ngai Saƀat Jehôwa Yàng Tom Trồ bol mê dê. Tòm ngai hơ̆ bol mê ò di lơh broă lơi, bol mê, kòn klau hala kòn ùr bol mê dê, cau klau duh broă hala cau ùr duh broă bol mê dê, kơnrồ, alàng hala phan poan jơng lơi ndai bol mê dê, hala cau nac crih tòm hìu bol mê dê, nàng cau klau duh broă mơ cau ùr duh broă bol mê dê rgơi ơm rlô kung be bol mê.

Kôlôse 2:16

Behơ̆ gen bañ lòi cau lơi cahrña oh mi bơh phan sa phan ñô, hala bơh ngai pơjum sa, hala ngai kơnhai dùl lik, hala ngai Saƀat.