Jơnau Niam Jat Mak 2:17 - Sră Goh 2018

¹⁷ Yàng Jesu kơno behơ̆ gen đơs mơ bol khai lah: “Cau pràn kơldang ò càng cau gơnoar sơnơm ò, mơya la cau kòp jê; Añ tus ò di nàng hòi cau song ring ò, mơya nàng hòi cau glài.”

Jơnau Niam Jat Mak 2:17 ပူးပေါင်းရင်းမြစ်များ

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Luka 15:10

Kung behơ̆ sơl, Añ đơs mơ bol mê, ală cau gơnrơh Yàng Tom Trồ dê rơp hòn chò bơh dô nă cau glài gơjrañ sang glài.”

Luka 15:29

Mơya khai đơs mơ bèp lah: ‘Do, añ duh broă bèp in neh oă nam rau, ò gơs tŭ lơi lơh tìs mơ gơnoar sồr bèp dê, mơya bèp ò gơs tŭ lơi ai añ in dô nơm be kòn nàng sa chò hòp bal mơ oh mi bơyô añ jê.

Luka 15:7

Kung behơ̆ sơl, Añ đơs mơ bol mê, hơđang trồ rơp hòn chò bơh dô nă cau glài gơjrañ sang glài rlau mơ sin jơt sin nă cau song ring ò càng gơjrañ sang glài.

Luka 16:15

Kơnràñ đơs mơ bol khai lah: “Bol mê kòp is să he la song ring di đap ală cau, mơya Yàng Tom Trồ git nùs bol mê; bơh bơta lơi la ryŭ ryơm digùl kòn mơnus la ngkòr ngkàc di đap Yàng Tom Trồ.

Luka 19:10

Bơh Kòn Mơnus neh tus nàng jòi mơ dong klàs cau neh roh.”

Jang 9:34

Bol khai ho lah: “Jơh să jan mê deh tòm tồi glài, mơ kòñ bơto bol hi ơ?” Gen bol khai bơtrơh tơlik khai di tiah.

Jang 9:40

Ală cau Pharisi ơm rềp tềng hơ̆ kơno ală jơnau hơ̆, gen đơs mơ Kơnràñ lah: “Bol hi kung la cau jơngo sơl ơ?”

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.