Jơnau Niam Jat Mak 16:16 - Sră Goh 2018

¹⁶ Cau lơi dòn mơ gơs ƀaptem gen rơp geh dong klàs, mơya cau lơi ò dòn gen rơp gơkòl lơh nền glài.

Jơnau Niam Jat Mak 16:16 ပူးပေါင်းရင်းမြစ်များ

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Jơnau Niam Jat Mak 1:15

mơ đơs lah: “Tơngai neh tơl, lơgar Yàng Tom Trồ neh tus rềp, ală bol mê gơjrañ sang glài tĕ mơ dòn Jơnau Niam.”

Luka 8:12

Ală gar rung di gah gùng la ală cau neh kơno jơnau Yàng, gen cà ràk tus tòmpìt jơnau hơ̆ bơh di nùs bol khai, rngòt bol khai dòn mơ geh dong klàs mòn.

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Jang 3:36

Cau lơi dòn Kòn gen geh bơta kis gam sùm sùm, cau lơi ò bài dòn Kòn gen ò gŏ bơta kis ò, mơya bơta gơjrañ dờng Yàng Tom Trồ dê ơm sùm hơđang cau hơ̆.”

Jang 3:5

Yàng Jesu ho lah: “Di ngan, di ngan, Añ đơs mơ mê, dilah cau lơi ò bơh dà mơ Yàng Hwềng mơ deh, gen ò rgơi mut tòm lơgar Yàng Tom Trồ dê ò.

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Jang 6:29

Yàng Jesu ho lah: “Broă Yàng Tom Trồ dê hơ̆ la bol mê dòn Bơtau mơ Kơnràñ neh sồr lòt tus.”

Jang 6:35

Yàng Jesu đơs lah: “Añ la piang lă bơta kis dê, cau lơi lòt tus hơ Añ gen ò gơs tŭ lơi jơgloh, mơ cau lơi dòn Añ gen ò gơs tŭ lơi tơhìr.

Jang 6:40

Do la nùs kòñ Bèp Añ jê: Hơ̆ la kòp nă cau lơi sền đal Kòn mơ dòn Kơnràñ gen geh bơta kis gam sùm sùm, mơ Añ rơp lơh cau hơ̆ in kis wơl tòm ngai lồi dut.”

Jang 8:24

Gen tàng, Añ neh đơs mơ bol mê lah bol mê rơp chơt tòm tồi glài bol mê dê; bơh dilah bol mê ò dòn Añ la Bơtau neh gơs mơ gam gơs, gen bol mê rơp chơt tòm tồi glài he dê.”

Broă 10:43

Jơh ală cau gơnoar hwơr neh lơh cơng bơh Kơnràñ lah kòp nă cau lơi dòn Kơnràñ gen kơnòm di sơnđan Kơnràñ mơ dòp geh bơta toh glài.”

Broă 13:39

Kơnòm di Kơnràñ kòp nă cau lơi dòn gen geh hồ toh, ai jơh ală bơta boh lam Môise gen ò rgơi hồ toh.

Broă 13:46

Chòp Pol mơ Banaba khin cha đơs mơ bol khai lah: “Sơnròp ngan pal bơto jơnau Yàng Tom Trồ oh mi in; mơya tài bơh oh mi neh pơndang sang, mơ sơwì is să he ò di pal dòp bơta kis gam sùm sùm, gen tàng tŭ do bol hi wèt wơl hơ làng bol bơdìh.

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Broă 2:41

Behơ̆ ală cau dòn jơnau hơ̆ gen gơs ƀaptem; mơ tòm ngai hơ̆ gơs pơgap pe rbô nă cau bơtơl tai tòm mpồl bol khai.

Broă 22:16

Tŭ do, ñchi bơh tài bi gam gơn tai taih? Ntào tĕ, gơs ƀaptem mơ hòi dan tồ tồi glài bi geh rào goh.’”

Rôma 3:6

Ò di behơ̆! Dilah Yàng Tom Trồ ò song ring gen mbe rgơi cahrña dunnia taih?

Rôma 4:24

mơya kung bơh bol he la cau rơp geh kòp behơ̆ sơl, la cau dòn di Bơtau neh lơh Yàng Jesu in, la Yàng bol he dê, kis wơl bơh bơta chơt.

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

II Tesalônika 2:12

tồ lơh nền glài jơh ală cau ò dòn jơnau song, mơ hòn chò tòm bơta ò song ring.

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

I Pier 3:21

Dà hơ̆ lơh rùp sơnio bơh bơta ƀaptem tòm tŭ do dong klàs oh mi, ò di la tă sang bơta ngkòr ngkàc poac să dê ò, mơya la dô bơta rac dan mơ Yàng Tom Trồ nàng gơs nùs tồr niam, kơnòm di bơta kis wơl Yàng Jesu Krist dê,

Yal Tơlik 20:15

Dilah cau lơi ò geh cih sơnđan mat tòm sră bơta kis gen kong sơrbì tòm brong ồs hơ̆ sơl.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”