Jơnau Niam Jat Mak 14:6 - Sră Goh 2018

⁶ Mơya Yàng Jesu đơs lah: “Lòi tĕ dò khai dê. Ñchi bơh tài bol mê lơh kalke khai in taih? Khai neh lơh broă niam Añ in.

Jơnau Niam Jat Mak 14:6 ပူးပေါင်းရင်းမြစ်များ

Esai 54:17

Ò gơs phan tòmlơh lơi neh tiar rgơi tòmdră pha rlau mơ ai, mơ ai rơp pơndang sang kòp nơm lơmpiat yă ai tòm tiah cahrña. Hơ̆ la pơnah sre brê ală cau duh broă Yàng Jehôwa dê, mơ bơta tò să bol khai dê tus bơh di Añ.” Yàng Jehôwa đơs behơ̆.

Mathiơ 26:10

Yàng Jesu git bơta hơ̆ gen đơs mơ bol khai lah: “Ñchi bơh tài bol mê lơh kalke cau ùr do in taih? Bơh khai neh lơh broă niam Añ in.

Jơnau Niam Jat Mak 14:5

Bơh mơñà do rgơi tac geh rlau pe rhiang dơnie nàng pà cau rƀah lơòi in.” Mơ bol hơ̆ yoam lah khai.

Jơnau Niam Jat Mak 14:7

Bơh bol mê gơs cau rƀah lơòi ơm sùm mơ bol mê, tŭ lơi kòñ dong pà gòi bol khai in kung di lơm; mơya bol mê ò gơs Añ ơm sùm mơ bol mê.

Broă 9:36

Tòm ƀòn dờng Jôppe, gơs dô nă cau ùr sơnđan la Tabitha, cih tơlik hơ̆ la Dorkas la cau bơtê; khai lơh oă broă lơbơn niam mơ jak pà gòi cau rƀah lơòi in.

II Kôrintô 10:18

Bơh ò di la cau yò tơngguh is să he geh dòp, mơya la cau Yàng yò tơngguh gơ dê geh dòp.

II Kôrintô 9:8

Yàng Tom Trồ gơs gơnoar ai jơh ală bơta lơngai lơngò tơngkah tơngkañ hơđang oh mi, tồ oh mi in geh tơl ală bơta pal càng, mơ gam gơs tơngkah tơngkañ nàng lơh jơh ală broă niam.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

II Tesalônika 2:17

pơndòm pơniang nùs oh mi dê, lơh oh mi in gơs kơ̆ nền tòm jơh ală broă niam mơ jơnau đơs niam.

I Timôthe 5:10

la cau ùr gơs pơnro niam bơh broă niam khai dê, kung be neh ròng kòn sau, git wă rò nac crih, rào jơng ală cau sàng goh, dong kòl cau rƀah dồn sa, mơ jơh nùs lơh tơl ală broă niam.

I Timôthe 6:18

Bơto kràñ cê bol khai in pal lơh bơta niam, pas gơs tòm broă niam, rcang sir ai gòi mơ chò hòp tòmpà phan he dê cau in ƀà,

II Timôthe 2:21

Dilah cau lơi lơh goh is să he bơh di ală broă iơh bơsak hơ̆, gen rơp be gri dờng màng geh gơlik gơs sàng goh, gơs kwơ cau tòm in mơ neh rcang sir ală broă niam in.

II Timôthe 3:17

tồ cau Yàng Tom Trồ dê geh wil tơl, mơ rcang sir wil tơl nàng lơh jơh ală broă niam.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Sră Pơyoa Pol Dê Pơyoa Tit In 2:7

Tòm jơh ală bơta ai tĕ să tòm mê nàng lơh krơh bol khai in bơh broă niam, tòm bơta bơto sồr mê dê pal gơs sàng goh song ring, kràñ cê,

Sră Pơyoa Pol Dê Pơyoa Tit In 3:14

Ală cau bal mơ bol he kung pal bơtê lơh ală broă niam, nàng dong kòl tòm tŭ pal càng, tồ bañ kis dô rài kis ò gơlik cồng nha.

Sră Pơyoa Pol Dê Pơyoa Tit In 3:8

Jơnau hơ̆ la nền cê ngan, añ kòñ mê đơs nền ală bơta hơ̆ dô bă pràn kơldang tồ ală cau in neh dòn jat Yàng Tom Trồ gen jơh nùs tơryang tơryồng lơh ală broă niam, hơ̆ la ală bơta niam mơ gơs kwơ cau in.

Hebrơ 10:24

Bol he pal kah kơlôi bal mơ gơp, nàng tòmchồl bal tòm bơta kòñ gơboh mơ ală broă niam.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.