Jơnau Niam Jat Mak 13:31 - Sră Goh 2018

³¹ Trồ tiah rơp roh mơya jơnau đơs Añ jê ò gơs tŭ lơi roh.”

Jơnau Niam Jat Mak 13:31 ပူးပေါင်းရင်းမြစ်များ

II Ală Bơtau 15:12

Behơ̆, tòm toh be jơnau Yàng Jehôwa neh yal Jehu in lah: “Jơi bơtiàn mê rơp nggui hơđang sơbàn Israel jơl tus di rài dơ̆ poan.” Ngan behơ̆, hơ̆ la bơta neh gơlik tus.

Đơs Crih 19:7

Bơta boh lam Yàng Jehôwa dê la wil tơl, nàng bơtơl pràn tai hwềng soàn in; Jơnau sồr kràñ cê Yàng Jehôwa dê la kơ̆ nền, lơh cau ò hoan git in gơlik jak chài.

Esai 40:8

Ñhơt ro, bơkào jrùh; mơya jơnau đơs Yàng Tom Trồ bol he dê rơp ơm kơ̆ gam sùm sùm.”

Esai 51:6

Pò tĕ mat bol mê dê tơnggòr ală tap trồ, sền tĕ di plai ù hơđơm; ală tap trồ rơp roh thit be ñhŭ, plai ù rơp klar lơho be ồi ào, mơ ală làng bol ơm hơđang plai ù rơp chơt be smềt. Mơya bơta dong klàs Añ jê rơp gam sùm sùm, bơta dong tă Añ jê rơp ò tŭ lơi lồi.

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Khà Làng Bol 23:19

Yàng Tom Trồ ò di la cau mơ rgơi đơs blac, kung ò di la kòn mơnus tòmgơl nùs kơlôi Kơnràñ dê. Kơnràñ đơs mơ ò lơh sơl ơ? Kơnràñ neh hơ pơgon mơ ò lơh jat sơl ơ?

Mathiơ 24:35

Trồ tiah rơp roh mơya jơnau đơs Añ jê ò gơs tŭ lơi roh ò.”

Mathiơ 5:18

Bơh di ngan Añ đơs mơ bol mê, trồ tiah rơp roh, mơya dô tềl dềt dô cik tòm bơta boh lam kung ò gơs tŭ lơi roh, jơl tus di tŭ jơh ală bơta gơlik wil tơl.

Jơnau Niam Jat Mak 13:30

Jơh ală bơta rơp gơlik tus lài mơ tŭ jơi kòn mơnus kis tòm rài do chơt jơh.

Jơnau Niam Jat Mak 13:32

“Bơh ngai mơ jơ hơ̆ gen ò gơs cau lơi git, bulah cau gơnrơh hơđang trồ hala Kòn kung ò git sơl, mìng Bèp git lơm.

Luka 21:33

Trồ tiah rơp roh, mơya jơnau đơs Añ jê ò gơs tŭ lơi roh.

II Timôthe 2:13

Dilah bol he ò dòn song, mơya Kơnràñ kư̆ dòn song sùm, bơh Kơnràñ ò rgơi pơndang sang is Kơnràñ dê.

Sră Pơyoa Pol Dê Pơyoa Tit In 1:2

tòm bơta gơn kơnòm bơh bơta kis gam sùm sùm. Hơ̆ la bơta kis mơ Yàng Tom Trồ, la Bơtau ò tŭ lơi đơs blac, neh ho pơgon bơh lài mơ tŭ òhềt gơs trồ tiah,

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.