Jơnau Niam Jat Mak 13:22 - Sră Goh 2018

²² Bơh rơp gơs ală krist ma blac mơ ală cau gơnoar hwơr ma blac gơtơngguh mơ lơh oă bơta krơi, tềl is tian gơs dilah rgơi gen kung pơrlồm ală cau geh sac rwah sơl.

Jơnau Niam Jat Mak 13:22 ပူးပေါင်းရင်းမြစ်များ

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Jơnau Niam Jat Mak 13:21

Tòm tŭ hơ̆ dilah gơs cau lơi đơs mơ bol mê lah: ‘Do, Bơtau Krist ơm tềng do,’ hala ‘Tềng hơ̆, gen bañ dòn.’

Jơnau Niam Jat Mak 13:23

Kơrhia tĕ, do Añ neh yal lài jơh ală bơta bol mê in rau.”

Jơnau Niam Jat Mak 13:6

Gơs oă cau rơp ai sơnđan Añ tus mơ đơs lah: ‘Añ la Bơtau Krist!’ Mơ rơp pơrlồm lơh oă cau in tìs nrah.

Jang 4:48

Yàng Jesu đơs mơ cau kwang hơ̆ lah: “Dilah bol mê ò gŏ tềl is mơ bơta krơi gen bol mê ò dòn ò!”

Yal Wơl 13:1

Dilah digùl oh mi gơs dô nă cau gơnoar hwơr, hala dô nă cau đơs lài kơnòm di ală bơta mpau, tơlik mat digùl bol mê mơ bơto yal bol mê in dô nơm tềl is hala bơta krơi,

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

I Jang 2:18

Ơ ală kòn, do la tŭ lồi dut rau, ală bol mê neh kơno đơs lah cau sòdră di Bơtau Krist pal tus, mơ tòm tŭ do gơs oă cau sòdră di Bơtau Krist neh tus rau; bơh hơ̆ bol he git lah do la tŭ lồi dut.

I Jang 2:19

Bol khai neh bơh digùl bol he mơ lik, mơya ò di bal mơ bol he; bơh dilah bol khai bal mơ bol he, gen neh kư̆ ơm bal mơ bol he; mơya bol khai neh lik lòt tồ yal tơlik lah jơh ală bol khai ò di bal mơ bol he.

I Jang 2:26

Añ cih bol mê in bơta do la sơnio bơh ală cau kòñ pơrlồm bol mê.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 17:8

Phan poan jơng mê neh gŏ hơ̆, lài neh gơs, tŭ do ò gơs, mơ gơ rơp guh bơh tòm brong jrô hùt hung mơ lòt tus hơ tiah roh rui. Ală cau ơm hơđang plai ù mơ sơnđan mat bol khai ò gơs cih tòm sră bơta kis bơh dê tŭ crơng gơs trồ tiah, dơ̆ bol khai gŏ phan poan jơng gen bol khai rơp ai lơh krơi, tài bơh lài gơ neh gơs, tŭ do ò gơs, mơ tơnơ̆ rơp tus tai.