Jơnau Niam Jat Mak 13:20 - Sră Goh 2018

²⁰ Dilah Yàng ò tơnhuc ală ngai hơ̆ gen ò gơs cau lơi geh dong klàs, mơya tài bơh ală cau geh sac rwah, gen tàng Kơnràñ tơnliah ală ngai hơ̆.

Jơnau Niam Jat Mak 13:20 ပူးပေါင်းရင်းမြစ်များ

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Esai 6:13

Bulah dô pơnah jơt gam ơm tòm lơgar, gơ rơp kong chu tai. Be tòm nho hala tòm cha, tơnggu gơ gam ơm ntào, tòm tŭ cau kơl gơ. Gar sơntìl sàng goh la tơnggu gơ dê.”

Mathiơ 24:22

Dilah ală ngai hơ̆ ò gơtơnhuc, gen ò gơs kòn mơnus lơi geh dong klàs; mơya tài bơh ală cau geh sac rwah gen ală ngai hơ̆ rơp gơtơnhuc.

Jơnau Niam Jat Mak 13:19

Bơh tòm ală ngai hơ̆ rơp gơs bơta rung rài, tian gơs bơh sơnròp Yàng Tom Trồ crơng gơs trồ tiah jơl tus di tŭ do òhềt gơs behơ̆, mơ kung rơp ò tŭ lơi gơs behơ̆ sơl.

Jơnau Niam Jat Mak 13:21

Tòm tŭ hơ̆ dilah gơs cau lơi đơs mơ bol mê lah: ‘Do, Bơtau Krist ơm tềng do,’ hala ‘Tềng hơ̆, gen bañ dòn.’