Jơnau Niam Jat Mak 12:9 - Sră Goh 2018

⁹ Yàng Jesu lùp lah: Behơ̆ cau tòm suơn ño hơ̆ rơp lơh mbe lơi taih? Khai rơp tus tơnroh ală cau lơh suơn hơ̆, gen jào suơn ño hơ̆ ală cau ndai in.

Jơnau Niam Jat Mak 12:9 ပူးပေါင်းရင်းမြစ်များ

Esai 29:17

Ò di gam dô êt jŏ tai gen Liban rơp gơlik gơs dô bă sre ù bơkah, mơ sre ù bơkah tiah lơngồt sền gơlơh kung be dơr brê ò ơ?

Esai 65:15

Bol mê rơp lòi wơl sơnđan bol mê lơh gơs dô jơnau srat rma ală cau mơ Añ neh sac rwah; mơ Jehôwa Yàng Tom Trồ rơp tơnchơt bol mê; mơya ală cau duh broă Añ jê rơp ai dô sơnđan krơi.

Jeremi 17:3

Ơ mơnơm Añ jê tòm lơgar, Añ rơp jào bơta pas sơm, mơ jơh ală phan màng mê lơh gơs phan phà kup; Be jền tơngai bơh tồi glài mê neh tìs tòm làm jơh lơgar bol mê dê.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Mathiơ 12:45

gen gơ lòt tai mơ lam tus poh nơm cà ndai iơh bơsak rlau mơ gơ, mut ơm bal tềng hơ̆; behơ̆ rài kis cau hơ̆ gơlik iơh rmơh rlau mơ lài òr. Jơi bơtiàn iơh bơsak do kung rơp behơ̆ sơl.”

Mathiơ 21:34

Kơnhai pic plai neh tus, gen cau tòm sồr ală cau dĭ lòt tus hơ ală cau lơh suơn nàng tơrgòm cồng nha bơh suơn ño khai dê.

Mathiơ 21:43

Tài behơ̆ Añ đơs mơ bol mê, lơgar Yàng Tom Trồ rơp tă bơh di bol mê mơ jào dô nơm làng bol rơp lơh gơlik plai lơgar hơ̆ in.

Mathiơ 22:7

Cau bơtau gơhào gơjrañ, gen sồr ală cau ling lòt tơnroh ală cau tơnchơt cau hơ̆, mơ chu ƀòn dờng bol khai dê.

Jơnau Niam Jat Mak 12:10

Bol mê òhềt sền jơnau Sră Goh do: ‘Pơnai lŭ gơkòl ală cau bơt hìu sang tơlik. Neh gơlik gơs lŭ mum hìu dờng màng rlau jơh.

Jơnau Niam Jat Mak 12:8

Gen bol khai kup kòn klau hơ̆ tơnchơt tơn, sơrbì hơ bơdìh suơn ño.

Luka 19:27

Ai ală cau sò tơm di añ, la ală cau ò kòñ añ at bồ hơđang bol khai, hwài tĕ bol khai tus hơ do mơ tơnchơt di đap añ.’”

Rôma 10:20

Mơ tai, Esai đơs dô bă khin cha lah: “Ală cau ò jòi jat Añ gen neh bàn Añ, Añ neh tơlik să di cau ò lùp jòi Añ.”

Jôsue 23:15

Mơya kung be kòp jơnau ho pơgon niam Jehôwa Yàng Tom Trồ bol mê dê neh gơlik di ngan bol mê in, gen Yàng Jehôwa kung rơp tơndùh hơđang bol mê jơh ală bơta iơh mơ Kơnràñ neh đơs pơhìn bol mê, jơl tus di tŭ Kơnràñ neh tơnroh bol mê bơh di lơgar niam do mơ Jehôwa Yàng Tom Trồ bol mê dê neh ai bol mê in.