Jơnau Niam Jat Mak 11:23 - Sră Goh 2018

²³ Di ngan Añ đơs mơ bol mê, cau lơi đơs mơ mơnơm do lah: ‘Yò tĕ să mơ ntruñ tòm dàlềng,’ dilah khai ò pin wil wơl tòm nùs mơya dòn nền cê jơnau he đơs rơp gơlik gơs ngan, gen ngan bơta hơ̆ rơp gơlik gơs.

Jơnau Niam Jat Mak 11:23 ပူးပေါင်းရင်းမြစ်များ

Đơs Crih 37:4

Hừh hơh tĕ tòm Yàng Jehôwa, Gen Kơnràñ rơp ai mê in bơta mơ nùs mê kơp kòñ.

Mathiơ 14:13

Dơ̆ Yàng Jesu kơno jơnau hơ̆ gen lòt bơh tiah hơ̆ mut tòm ơhò, tus hơ tiah ngềt ngơt. Tòm tŭ kơno behơ̆, gen mpồl làng bol bơh ală ƀòn dờng lòt jơng jat Kơnràñ.

Mathiơ 17:20

Kơnràñ ho lah: “Tài bơh bol mê gơs dô êt bơta dòn. Bơh di ngan Añ đơs mơ bol mê, dilah bol mê gơs bơta dòn be dô nơm gar sơbê, gen rơp đơs mơ mơnơm do lah: ‘Ñă lòt tĕ bơh tềng do tus hơ ne,’ gen gơ lòt; mơ ò gơs bơta lơi la bol mê ò rgơi lơh.” [

Mathiơ 21:21

Yàng Jesu ho lah: “Di ngan Añ đơs mơ bol mê, dilah bol mê gơs bơta dòn mơ ò pin wil wơl dô êt lơi, gen bol mê ò di mìng rơp lơh bơta Añ neh lơh di chi ƀal lơm ò, mơ bulah bol mê đơs mơ mơnơm do lah: ‘Yò tĕ să mơ ntruñ tòm dàlềng,’ gen bơta hơ̆ kung rơp gơlik gơs ngan.

Luka 17:6

Yàng đơs mơ bol khai lah: “Dilah bol mê gơs bơta dòn be dô gar sơbê, mơ sồr chi sơr do lah: ‘Dus tĕ să mê mơ tam tòm dàlềng,’ gen ngan gơ rơp dòn bơr bol mê.

Jang 14:13

Bol mê ai sơnđan Añ mơ dan bơta lơi, gen Añ rơp lơh, nàng Bèp in geh gơklŏ dê Kòn.

Jang 15:7

Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆.

I Kôrintô 13:2

Bulah añ geh bơta ai gòi đơs hwơr mơ git jơh ală bơta ndơp ndơr mơ jơh ală bơta git jak, bulah añ gơs bơta dòn dờng tian gơs sồr mơnơm ntruñ kung di sơl, mơ dilah ò gơs bơta kòñ gơboh gen añ gơlik ò kwơ.