Jơnau Niam Jat Mak 10:52 - Sră Goh 2018

⁵² Yàng Jesu đơs lah: “Lòt tĕ, bơta dòn mê neh sơmbòi mê.” Gen khai gŏ mo, mơ lòt jat Kơnràñ tơn tòm gùng.

Jơnau Niam Jat Mak 10:52 ပူးပေါင်းရင်းမြစ်များ

Đơs Crih 146:8

Yàng Jehôwa pò mat cau jơngo in, Yàng Jehôwa pò tơngguh ală cau kun tơnliah, Yàng Jehôwa kòñ gơboh di cau song ring.

Đơs Crih 33:9

Bơh Kơnràñ đơs, gen phan gơlik gơs; Kơnràñ sồr, gen gơ ơm kơ̆.

Esai 35:5

Gen mat cau jơngo rơp geh àng, tồr cau tĭ rơp geh kơno.

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 12:22

Tŭ hơ̆ gơs cau cèng tus hơ Yàng Jesu dô nă cau cà lơh, jơngo mơ kloat. Kơnràñ sơmbòi khai in, tian gơs cau kloat tus đơs mơ gơs gŏ.

Mathiơ 15:28

Gen Yàng Jesu đơs lah: “Ơ cau ùr gen, bơta dòn ai la dờng ngan! Gơlik gơs tĕ be nùs ai kòñ!” Kòn ùr khai geh bòi bơh di jơ hơ̆.

Mathiơ 21:14

Ală cau jơngo mơ cau kwet kơlte tus hơ Kơnràñ tòm hìu duh khoai, gen Kơnràñ sơmbòi bol khai.

Mathiơ 8:3

Yàng Jesu ai tê ƀư di khai mơ đơs lah: “Añ kòñ, goh tĕ.” Gen dun khai goh mo.

Mathiơ 9:22

Yàng Jesu wơlke, gŏ khai gen đơs lah: “Ơ kòn ùr, kơ̆ tĕ nùs, bơta dòn ai dê neh sơmbòi ai.” Gen cau ùr hơ̆ geh bòi mo bơh di jơ hơ̆.

Jơnau Niam Jat Mak 1:31

Chòp Kơnràñ tus rềp, at di tê khai mơ yò tơngguh; phòt bòi kòp prơm, gen mò sơntòm duh broă bol khai in.

Jơnau Niam Jat Mak 5:34

Yàng Jesu đơs mơ khai lah: “Ơ kòn ùr, bơta dòn ai neh sơmbòi ai. Rê tĕ lơngap lơngai, mơ geh bòi tĕ kòp ai dê.”

Jơnau Niam Jat Mak 8:25

Gen Kơnràñ ơn tai tê di mat khai; khai tơnggòr sền, geh àng mat, gŏ loh làng jơh ală bơta.

Luka 7:50

Mơya Kơnràñ đơs mơ cau ùr lah: “Bơta dòn ai neh dong klàs ai; rê tĕ lơngap lơngai.”

Luka 9:48

mơ đơs mơ bol khai lah: “Dilah cau lơi bơh sơnđan Añ mơ wă rò kòn dềt do, hơ̆ la wă rò Añ; ai cau lơi wă rò Añ hơ̆ la wă rò Bơtau neh sồr Añ lòt tus. Bơh cau lơi dềt rhền rlau jơh digùl bol mê, hơ̆ la cau dờng rlau jơh.”

Jang 9:32

Bơh rài yau tus rài do òhềt tŭ lơi kơno đơs gơs cau lơi pò mat cau jơngo bơh tŭ pa deh.

Jang 9:39

Yàng Jesu đơs lah: “Añ neh lòt tus tòm dunnia do nàng cahrña, lơh cau jơngo in gơs gŏ; ai cau gŏ, gen gơlik jơngo.”

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’