Jơnau Niam Jat Mak 10:30 - Sră Goh 2018

³⁰ gen rơp dòp leng tòm tŭ do mơ tòm rài do, dô rhiang dơ̆ rlau mơ ală hìu đam, oh mi, ruh lŏ, mè bèp, oh kòn, sre brê, bal mơ bơta kup kơryan, mơ bơta kis gam sùm sùm tòm rài tơnơ̆.

Jơnau Niam Jat Mak 10:30 ပူးပေါင်းရင်းမြစ်များ

II Yal Yau 25:9

Amajiah lùp cau Yàng Tom Trồ dê lah: “Mơya mbe kòñ lơh bơh dô rhiang talơng mơ añ neh tơm mpồl ling Israel in taih?” Cau Yàng Tom Trồ dê ho lah: “Yàng Jehôwa rgơi ai bơtau in gơs oă rlau mơ hơ̆.”

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Jơnau Pơnđik 16:16

Geh bơta jak chài, ngan màng rlau mơ màh ngan ò git nđò! Geh àng loh, ngan di pal rlau mơ priă ò git nđò!

Malaci 3:10

Cèng tĕ jơh ală pơnah jơt tơmut tòm hìu đam, tồ gơs phan sa tòm hìu Añ. Lòng tĕ Añ tòm bơta do,” Yàng Jehôwa Gơnap Gơnoar Dờng Làm Jơh đơs behơ̆. “Mơ sền dilah Añ ò pò ală mpồng dềt hơđang trồ bol mê in, mơ tuh bơta lơngai lơngò oă ngan bol mê in, tian gơs ò tang tiah prap tai!

Mathiơ 12:32

Dilah cau lơi đơs tòmdră mơ Kòn mơnus gen rơp geh toh, mơya cau lơi đơs tòmdră mơ Yàng Hwềng Goh gen ò geh toh bulah tòm rài do hala tòm rài tơnơ̆.”

Mathiơ 13:8

Gar ƀà tai rung di ù niam gen gơlik plai, gơnar ƀà dô rhiang, gơnar ƀà prau jơt, gơnar ƀà pe jơt.

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

Luka 18:30

mơ ò dòp leng oă dơ̆ rlau tòm rài do, bal mơ bơta kis gam sùm sùm tòm rài tơnơ̆ tai.”

Jang 10:23

Yàng Jesu lòt tòm tiah gơrê bal mơ hìu duh khoai, hơđơm ƀlàng rơng Salômôn dê.

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

Broă 16:25

Pơgap digùl mơnang, Pol mơ Sila ơm hòi dan mơ đơs chò jòng ro Yàng Tom Trồ, jơh ală cau ơm jàm kơno lơm.

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

Rôma 5:3

Ò di mìng behơ̆ lơm ò, mơya bol he kung jòng să tòm bơta jê sồt bòl glar sơl, bơh git lah bơta jê sồt bòl glar tơnggơs bơta kơ̆ nùs,

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.

Philip 3:8

Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

I Timôthe 4:8

Bơh bơta bơtê lơh pràn să jan in gen gơs kwơ dô êt lơm, ai bơta duh rngòt gơs kwơ tòm jơh ală bơta, bơh neh gơs jơnau ho pơgon bơh bơta kis tòm rài do mơ tòm rài tơnơ̆ sơl.

I Timôthe 6:6

Mơya nùs duh rngòt bal mơ bơta hừh nùs, hơ̆ la bơta cồng nha dờng.

Jakơ 1:12

Lơngai cau in kong jai bơta gơlòng bòl glar, bơh tòm tŭ neh kong jai bơta lòng rau gen rơp dòp geh sơgơn bơtau bơta kis mơ Yàng neh ho pơgon ai cau in kòñ gơboh di Kơnràñ.

Jakơ 5:11

Do, bol he sơnđan ală cau neh kong ơt la cau gơs lơngai. Oh mi neh kơno bơh bơta kong ơt Jop dê, mơ neh gŏ mbe Yàng neh ai khai in tòm tŭ lồi dut, bơh Yàng bềng lìu nùs nđàc sơngit mơ bơta kòñ nđàc.

I Jang 2:25

Do la jơnau mơ Kơnràñ neh ho pơgon mơ bol he, hơ̆ la bơta kis gam sùm sùm.

I Jang 3:1

Sền tĕ Yàng Bèp neh ai bol he in bơta kòñ gơboh ò git nđò, nàng bol he geh sơnđan la kòn Yàng Tom Trồ dê; mơ bol he ngan la behơ̆. Dunnia ò git đal bol he, tài bơh bol khai ò git Kơnràñ.

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.

Yal Tơlik 3:18

Behơ̆ Añ bơto tơngkah mê rwat tĕ màh Añ jê neh ryă tòm ồs, tồ mê in gơlik gơs pas sơm; rwat ală ào bò, tồ mê in soh nàng jơm ndơp bơta ƀàssìl bơh bơta ơm kuh lòi rồ mê dê; mơ rwat sơnơm nàng bong di mat tồ mê gŏ.