Jơnau Niam Jat Mak 10:22 - Sră Goh 2018

²² Dơ̆ kơno jơnau hơ̆, cau do gơlơh kơnjơ̆ muh mat, gen moat jrùng mơ lòt, bơh khai gơs oă ngan phan mơna.

Jơnau Niam Jat Mak 10:22 ပူးပေါင်းရင်းမြစ်များ

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Mathiơ 13:22

Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Mathiơ 19:22

Mơya dơ̆ kơno jơnau hơ̆, gen cau pơnu moat jrùng mơ lòt, bơh khai gơs oă ngan phan mơna.

Mathiơ 27:3

Tŭ hơ̆ Juda la cau neh pơrlơ̆ dră di Kơnràñ, gŏ Kơnràñ kòl lơh nền glài, gen khai kah kơlôi wơl mơ cèng pe jơt pet priă jào wơl ală cau gơnoar dờng lam bồ ơn phan duh khoai mơ ală cau kwang kra in,

Jơnau Niam Jat Mak 10:21

Yàng Jesu sền di khai mơ kòñ gơboh, gen đơs lah: “Mê gam siơ̆u dô bơta lơm. Lòt tĕ tac jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Jơnau Niam Jat Mak 10:23

Tŭ hơ̆ Yàng Jesu sền gùt dar Kơnràñ mơ đơs mơ ală cau bơtê lah: “Cau pas sơm mut tòm lơgar Yàng Tom Trồ la kalke ngan!”

Jơnau Niam Jat Mak 6:20

bơh Herôt rngòt di Jang, mơ git khai la dô nă cau song ring mơ sàng goh, gen bơtau sền gàr khai. Herôt kòñ iat Jang đơs, mơya dơ̆ kơno jơnau khai dê rau, gen bơtau ò suk ơm ngan.

Jơnau Niam Jat Mak 6:26

Cau bơtau moat jrùng ngan, mơya tài bơh ală jơnau srat să khai dê mơ tài bơh di đap ală cau nac ñô sa, gen ò rgơi ò ai khai in.

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Luka 18:23

Mơya dơ̆ khai kơno jơnau hơ̆ gen moat jrùng ngan, bơh khai pas sơm ngan.

II Kôrintô 7:10

Bơh bơta moat jrùng jat nùs kòñ Yàng Tom Trồ dê gơlik gơs bơta gơjrañ sang glài lam tus hơ bơta dong klàs, la bơta ò càng pơlai; mơya bơta moat jrùng jat dunnia dê gơlik gơs bơta chơt.

Ephesô 5:5

Bơh oh mi git loh làng bơta do: Cau rềs àr bơrnàn, cau ngkòr ngkàc, cau hàm hà la cau duh rùp ràk, bol khai ò gơs sre brê lơi tòm lơgar Bơtau Krist mơ Yàng Tom Trồ dê.

II Timôthe 4:10

tài bơh Demas hàm kòñ rài do gen tàng neh sang lòi añ rau mơ neh lòt hơ Tesalônika. Kretsen lòt hơ Galati, ai Tit gen lòt hơ Dalmati.