Jơnau Niam Jat Mak 10:14 - Sră Goh 2018

¹⁴ Dơ̆ Yàng Jesu gŏ behơ̆ gen gơjrañ mơ đơs mơ ală cau bơtê lah: “Lòi tĕ ală kơnòm dềt tus hơ Añ, bañ bơkơŭ bol khai; bơh lơgar Yàng Tom Trồ gơrê mơ ală cau be bol khai.

Jơnau Niam Jat Mak 10:14 ပူးပေါင်းရင်းမြစ်များ

Sơnròp Gơlik Gơs 17:7

Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

Đơs Crih 78:4

Bol he rơp ò pồn ală jơnau hơ̆ di kòn sau bol khai dê, Mơya rơp yal wơl rài tơnơ̆ rơp tus in, Bơh ală broă gơklŏ Yàng Jehôwa dê, mơ gơnoar pràn Kơnràñ dê, mơ bơh ală broă crih crài Kơnràñ neh lơh.

Esai 65:23

Bol khai rơp ò lơh broă gơlik ò kwơ, bol khai tơnggơs kòn sau nàng kong bơta rung rài; bơh bol khai la dô nơm làng bol geh Yàng Jehôwa ai lơngai lơngò, bol khai bal mơ ală kòn sau bol khai dê.

Khà Làng Bol 14:31

Ai đah pơnah ală kòn sau bol mê dê mơ bol mê neh đơs lah rơp gơkòl kup lơh gơs phan tòmpìt geh, Añ rơp cèng bol khai mut tòm hơ̆ nàng hòn chò tòm lơgar mơ bol mê sang lòi.

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Mathiơ 18:4

Behơ̆ cau lơi pơndêt să be kơnòm dềt do, gen khai la dờng màng rlau tòm lơgar đang trồ.

Mathiơ 19:14

Yàng Jesu đơs lah: “Lòi tĕ ală kơnòm dềt tus hơ Añ, bañ bơkơŭ bol khai; bơh lơgar đang trồ gơrê mơ ală cau be bol khai.”

Mathiơ 5:10

Lơngai ală cau in kong cau kup kơryan bơh bơta song ring, bơh lơgar đang trồ la bal mơ ală cau hơ̆!

Mathiơ 5:3

“Lơngai ală cau gơs nùs rƀah bòl glar in, bơh lơgar đang trồ la bal mơ ală cau hơ̆!

Jơnau Niam Jat Mak 3:5

Tŭ hơ̆ Kơnràñ sền làm di bol khai, gơjrañ mơ moat tài bơh nùs bol khai kră kơldang mơ tìs nrah, lồc behơ̆ Kơnràñ đơs mơ cau klau lah: “Pò tĕ tê mê dê.” Gen khai pò tê mơ gơ bòi.

Jơnau Niam Jat Mak 8:33

Mơya Yàng Jesu wơlke sền ală cau bơtê mơ lah pơrhơng Pier lah: “Ơ cà Satan, ruc tĕ tơnơ̆ Añ, bơh nùs kơlôi mê ò gơwèt hơ broă Yàng Tom Trồ, mơya gơwèt hơ broă kòn mơnus dê.”

Jang 3:3

Yàng Jesu ho lah: “Di ngan, Añ đơs ngan mơ mê, dilah cau lơi ò deh wơl pa, gen ò rgơi gŏ lơgar Yàng Tom Trồ dê ò.”

Jang 3:5

Yàng Jesu ho lah: “Di ngan, di ngan, Añ đơs mơ mê, dilah cau lơi ò bơh dà mơ Yàng Hwềng mơ deh, gen ò rgơi mut tòm lơgar Yàng Tom Trồ dê ò.

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Broă 3:25

Ală oh mi la kòn sau ală cau gơnoar hwơr dê, mơ bơta ho bal Yàng Tom Trồ dê neh bơtào gơs mơ ală ồng pàng oh mi dê tòm tŭ Kơnràñ đơs mơ Abraham lah: ‘Jơh ală làng bol tòm làm ù rơp geh lơngai kơnòm di jơi bơtiàn mê dê.’

Rôma 11:16

Dilah dô sơmbat kơmbuh sơnròp geh ơn la sàng goh, gen jơh dô kơnac kơmbuh kung sàng goh sơl; mơ dilah ryas la sàng goh, gen ală ntê kung sàng goh sơl.

Rôma 11:28

Tài bơh Cau Juda pơndang sang Jơnau Niam gen bol khai la cau sò tơm di Yàng Tom Trồ, bơta hơ̆ gơs kwơ oh mi in. Mơya jat bơta sac rwah bol khai la cau geh kòñ gơboh tài bơh ală ồng pàng;

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

I Kôrintô 7:14

Bơh bau klau ò dòn Yàng, gen kơnòm di bau ùr mơ geh sàng goh; mơ bau ùr ò dòn Yàng, gen kơnòm di bau klau mơ geh sàng goh; dilah ò behơ̆ gen kòn oh mi dê ò gơrê bal mơ Yàng, mơya tŭ do gơrê bal mơ Yàng.

Ephesô 4:26

Dilah gơs bơta gơjrañ gen bañ tìs glài, bañ prap bơta gơjrañ jơl tus di tŭ mattơngai mut,

Yal Wơl 4:37

Tài bơh Kơnràñ kòñ gơboh ală ồng pàng bol mê dê mơ neh sac rwah ală kòn sau tơnơ̆ mơ bol khai, Kơnràñ neh cèng bol mê lik bơh di Ejiptơ kơnòm di Bơta Gơs Mat Kơnràñ dê, bơh gơnap gơnoar dờng Kơnràñ dê,

II Timôthe 1:5

Añ kah bơta dòn song ngan ơm tòm mê, la bơta dòn lài neh ơm tòm Lôit mò mê, mơ tòm Ơnit mè mê dê, añ dòn nền ngan lah gơ kung ơm tòm mê sơl.

II Timôthe 3:15

mơ bơh di tŭ mê gam dềt mê neh git Sră Goh rgơi lơh mê in gơlik gơs jak chài tồ geh dong klàs bơh bơta dòn tòm Yàng Krist Jesu.

Jôsue 8:35

Ò gơs dô jơnau lơi tòm jơh ală jơnau Môise nting sồr mơ Jôsue ò sền di đap mpồl jơnum Israel dê, gơs ală cau ùr, cau kơnòm, mơ cau làng bơdìh ơm digùl bol khai.

I Pier 2:2

Kòñ gơboh tĕ di dà toh sàng goh đah hwềng, be ală kòn dềt pa deh, tồ oh mi in kơnòm di bơta hơ̆ nàng gơlik gơs dờng mơ geh dong klàs,

Yal Tơlik 14:5

Tòm bơr bol khai ò gơs dô jơnau blac chừt lơi, bơh bol khai ò gơs tềl ƀơ̆ lơi.

I Samuel 1:11

Khai ho pơgon lah: “Ơ Yàng Jehôwa Gơnap Gơnoar Dờng Làm Jơh, dilah Kơnràñ rơp wèt sền di bơta bòl glar moat jrùng cau dĭ ùr Kơnràñ dê mơ kah wơl añ, ò hŭi cau dĭ ùr Kơnràñ dê, mơya rơp ai khai in dô nă kòn klau, gen añ rơp ơn khai be dô nă cau Najire di đap Kơnràñ, jơl jơh rài kis khai dê. Khai rơp ò ñô tơrnòm alak mơ ală phan lơh bơñul, mơ pềs koah rơp ò geh tup di bồ khai.”

I Samuel 1:22

mơya Anne ò guh bal, bơh khai đơs mơ bau klau khai lah: “Tŭ lơi kòn dềt sang pô, añ rơp cèng khai mơ tơlik mat di đap Yàng Jehôwa, mơ khai rơp ơm tềng hơ̆ sùm sùm, añ rơp ơn khai be dô nă cau Najire jơh rài.”