Jơnau Niam Jat Mak 1:20 - Sră Goh 2018

²⁰ Chòp Kơnràñ hòi bol khai, gen bol khai lòi bèp bol khai la Sebede ơm wơl tòm ơhò bal mơ ală cau lơh ơpah, mơ bol khai lòt jat Kơnràñ.

Jơnau Niam Jat Mak 1:20 ပူးပေါင်းရင်းမြစ်များ

I Ală Bơtau 19:20

Gen Elise sang kơnrồ khai dê, ntoat jat Eli mơ đơs lah: “Dan lòi añ rê cum mè bèp añ sir, gen añ rơp jat ồng.” Eli ho lah: “Lòt tĕ mơ rê wơl; bơh añ ò lơh ñchi lơi di mê.”

Mathiơ 10:37

Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in.

Jơnau Niam Jat Mak 1:19

Lòt ngài dô êt tai, Kơnràñ gŏ Jakơ kòn Sebede mơ oh khai la Jang, ơm srồt bơtơng tòm ơhò.

Jơnau Niam Jat Mak 1:21

Yàng Jesu mơ ală cau bơtê lòt tus hơ Kapenaum; di di ngai Saƀat, Kơnràñ mut mo tòm hìu jum mơ bơto sồr tềng hơ̆.

Jơnau Niam Jat Mak 10:29

Yàng Jesu ho lah: “Di ngan Añ đơs mơ bol mê, cau lơi bơh Añ mơ bơh Jơnau Niam mơ sang hìu đam, oh mi, ruh lŏ, mè bèp, oh kòn hala sre brê,

Luka 14:26

“Dilah cau lơi lòt tus hơ Añ mơ ò kòñ gơboh di Añ rlau mơ mè bèp, kòn bau, oh mi, ruh lŏ he dê, mơ bơta kis să tòm he dê sơl, gen ò rgơi lơh gơs cau bơtê Añ jê.

Luka 5:11

Bol khai cèng ơhò tus di gah, gen lòi jơh ală bơta mơ jat Kơnràñ.

II Kôrintô 5:16

Tài behơ̆ gen tàng bơh do bol hi ò git đal cau lơi jat poac să; bulah bol hi neh git đal Bơtau Krist jat poac să, mơya tŭ do ò tai git đal Kơnràñ jat bơta hơ̆.

Yal Wơl 33:9

khai neh đơs bơh bèp mơ bơh mè khai dê lah: ‘Añ ò sền bol khai dờng màng;’ khai ò đal git ală oh mi khai dê, hala dòp git ală kòn sau tòm khai dê. Bơh khai lơh jat jơnau Kơnràñ dê, mơ prap gàr bơta ho bal Kơnràñ dê.