Jôna 3:6 - Sră Goh 2018

⁶ Tòm tŭ bơtau Ninibe kơno jơnau hơ̆, khai ñă bơh hơđang sơbàn khai dê, hồ ào jrùh cau bơtau dê, soh ƀào sơnò kiat mơ nggui tòm bùh.

Jôna 3:6 ပူးပေါင်းရင်းမြစ်များ

I Ală Bơtau 21:27

Tòm tŭ Ahap neh kơno jơnau hơ̆, khai crè ồi ào khai dê; mơ soh ƀào di să mơ ơt sa; yùp mơ ƀào bic tòm tiah mơ ơm pơndêt să.

Sră Jop 2:8

Jop ai dô nơm nsàng mơngàn nàng kwàc să mơ nggui tòm bùh.

Sră Jop 42:6

Gen tàng, añ ai lơh cù kìr bơh să tòm añ, Mơ gơjrañ sang glài tòm kơmbuh ù mơ bùh.”

Esai 15:3

Bol khai soh ào dur lòt tòm ală gùng, hơđang rkàng hìu mơ tòm ală hìu dờng, jơh tơl nă ñìm rac, lề lac tòm dà mat.

Jeremi 13:18

Đơs tĕ mơ bơtau mơ mè bơtau dê lah: “Nggui tĕ tòm tiah liah; Bơh sơgơn bơtau hàng mơnĕ, neh gơdùh bơh bồ bol mê dê rau.”

Jeremi 36:13

Mice yal wơl bol khai in jơh ală jơnau he neh kơno, tòm tŭ Baruk sền sră jơh làng bol ơm iat.

Jeremi 36:24

Bơtau mơ ală làng bol neh kơno ală jơnau hơ̆, ò rngòt dô êt lơi, ò crè ào he.

Jeremi 6:26

Ơ làng bol nđàc sơngit Añ jê, soh tĕ bài sơnò kiat, Mơ pơrlac să tòm bùh. Ñìm ƀồc tĕ kung be neh roh kòn dùl nă, Ñìm rac tĕ dô bă sràt bơtang; Bơh cau phà tơnroh nisơna, rơp tus hơđang bol he.

Ñìm Rac 2:10

Ală cau kwang kra kòn ùr Siôn dê ơm nggui mŏ mŏ tòm ù; Bol khai tuh thul hơđang bồ, mơ soh ƀào sơnò kiat. Ală kòn ơruh Jerusalem dê kun bồ bol khai tus tòm ù.

Ñìm Rac 3:29

Ơn tĕ bơr khai tòm thul ơmul! Digơlan gam đau bơta gơn kơnòm.

Ejekiel 26:16

Gen jơh ală cau kwang bơtau at bồ rò gah dàlềng rơp mù bơh di sơbàn bol khai dê; hồ ală ào kwang bơtau mơ tă ală ồi ào jing bơka hàng mơnĕ bol khai dê. Bol khai rơp soh să tòm bol khai mơ bơta rngòt rngơt, bol khai rơp nggui tòm tiah, rơm să ò dơh, mơ rngòt rngơt bơh mê.

Daniel 9:3

Behơ̆, añ wèt mat hơ Yàng la Yàng Tom Trồ, jòi jat Kơnràñ bơh bơta hòi dan, rac ròc bal mơ bơta ơt sa, soh ồi ào bài sơnò kiat mơ nggui tòm bùh.

Mice 1:10

Bañ yal tơnggit bơta hơ̆ tòm Gat; bañ ñìm rac dô êt lơi. Tòm Bet Leaphra, pơrlac să mê dê tòm thul.

Mathiơ 11:21

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh geh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, ơm tòm bùh mơ gơjrañ sang glài neh jŏ rau.

Luka 10:13

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, nggui tòm bùh mơ gơjrañ sang glài neh jŏ rau.