Jôna 3:4 - Sră Goh 2018

⁴ Jôna sơntòm mut tòm ƀòn dờng, dô ngai lòt gùng. Khai hòi driau lah: “Tòm poan jơt ngai tai gen Ninibe rơp kong tơrlơm lề.”

Jôna 3:4 ပူးပေါင်းရင်းမြစ်များ

II Ală Bơtau 20:1

Tòm ală ngai hơ̆, Ejekia gơlơh kòp mòr chơt. Cau gơnoar hwơr Esai, kòn klau Amôs, lòt tus hơ khai mơ đơs lah: “Yàng Jehôwa đơs be do: ‘Rơndap niam tĕ hìu nhă mê, bơh mê rơp chơt, ò kis tai.’”

II Ală Bơtau 20:6

Añ rơp bơtơl jơt pram nam tai rài kis mê in, Añ rơp dong tă mê mơ ƀòn do klàs bơh tê bơtau Asiri. Tài bơh Añ mơ Dabit, cau dĭ gơna Añ, Añ rơp cang kìng ƀòn do.”

Esai 30:18

Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ!

Jeremi 42:10

‘Dilah bol mê kư̆ ơm wơl tòm lơgar do, gen Añ rơp bơtào bol mê wơl mơ ò phà tơnroh, Añ rơp tam bol mê mơ ò dus sang; bơh Añ neh tòmgơl bơh bơta rung rài mơ Añ neh dùh hơđang bol mê.

Jôna 3:10

Tòm tŭ Yàng Tom Trồ gŏ bơta bol khai neh lơh, mbe bol khai neh pơrlac sang ală gùng iơh bơsak bol khai dê, Yàng Tom Trồ tòmgơl nùs bơh bơta rung rài mơ Kơnràñ neh đơs rơp tơndùh hơđang bol khai, mơ Kơnràñ neh ò lơh bơta hơ̆.

Mathiơ 12:41

Tòm ngai cahrña, cau Ninibe rơp ñă ntào mơ jơi bơtiàn do mơ lơh nền glài bol khai, bơh cau Ninibe neh gơjrañ sang glài tòm tŭ Jôna bơto yal, mơ do gơs dô nă Cau dờng rlau mơ Jôna!

Luka 11:30

Be Jôna la tềl krơi cau Ninibe in, gen Kòn Mơnus la tềl krơi jơi bơtiàn do in.

Luka 11:32

Tòm ngai cahrña, cau Ninibe rơp ñă ntào mơ cau rài do mơ lơh nền glài bol khai, bơh cau Ninibe neh gơjrañ sang glài tòm tŭ Jôna bơto yal, mơ do gơs dô nă cau dờng rlau mơ Jôna!”

Yal Wơl 18:22

Dilah jơnau dô nă cau gơnoar hwơr ai sơnđan Yàng Jehôwa mơ bơto yal mơ jơnau hơ̆ ò gơlik gơs hala ò gơlik di ngan, hơ̆ la jơnau bơto yal mơ Jehôwa Yàng Tom Trồ ò gŏ đơs. Cau gơnoar hwơr hơ̆ neh đơs jat nùs is khai dê. Bañ rngòt di khai.