Jôna 2:7 - Sră Goh 2018

⁷ tus di ryas ală mơnơm dê. Ù tiah neh til krơ̆ hơđang añ jơl sùm sùm. Mơya, ơ Jehôwa Yàng Tom Trồ añ jê, Kơnràñ neh cèng tơngguh bơta kis añ bơh di trồm jrô.

Jôna 2:7 ပူးပေါင်းရင်းမြစ်များ

II Yal Yau 30:27

Gen ală cau gơnoar ơn phan duh khoai mơ ală cau Lebi ñă ntào ai lơngai làng bol in, mơ sap đơs bol khai dê geh kơno; jơnau hòi dan bol khai dê neh tus hơđang trồ la tiah ơm sàng goh Kơnràñ dê.

Đơs Crih 11:4

Yàng Jehôwa ơm tòm Hìu Duh Khoai Sàng Goh Kơnràñ dê; sơbàn Yàng Jehôwa dê ơm hơđang trồ; Mat Kơnràñ sền gŏ, gar mat Kơnràñ sền sơwì kòn sau kòn mơnus dê.

Đơs Crih 142:3

Tòm tŭ hwềng soàn añ bòl glar, gen Yàng git gùng dà añ jê. Tòm gùng añ lòt, bol khai neh pơt òm dă nàng kup añ.

Đơs Crih 143:5

Añ kah wơl ală ngai yau òr, Añ kơlôi bơh ală bơta Yàng neh lơh, Mơ kơlôi sơnơng bơh ală broă tê Yàng lơh.

Đơs Crih 18:6

Tòm tŭ bòl glar kalke, añ neh hòi dan mơ Yàng Jehôwa; Añ hòi dan mơ Yàng Tom Trồ dong kòl añ. Tòm hìu duh khoai Kơnràñ dê, Kơnràñ kơno jơnau añ, Jơnau hòi dan añ jê tus tòm tồr Kơnràñ dê.

Đơs Crih 20:7

Cau do kơnòm di rơndeh, cau ndai kơnòm di ơseh; Mơya bol hi kơnòm di sơnđan Yàng Jehôwa, la Yàng Tom Trồ bol hi dê.

Đơs Crih 22:14

Añ gơkòl tuh tơlik be dà, jơh ală ntìng añ jê gơrung bơh tiah tơrbŏ; Plai nùs añ jê be jrềng, Gơlề hòr tòm să añ.

Đơs Crih 27:13

Añ dòn ngan lah añ rơp gŏ bơta niam Yàng Jehôwa dê tòm lơgar cau kis dê!

Đơs Crih 42:11

Ơ hwềng soàn añ jê, ñchi bơh tài mê gơplơ̆ nùs mơ ò suk ơm taih? Gơn kơnòm tĕ di Yàng Tom Trồ, bơh añ rơp jòng ro Kơnràñ tai, La Bơtau dong kòl añ mơ la Yàng Tom Trồ añ jê.

Đơs Crih 42:5

Ơ hwềng soàn añ jê, ñchi bơh tài mê gơplơ̆ nùs mơ ò suk ơm taih? Gơn kơnòm tĕ di Yàng Tom Trồ, bơh añ rơp jòng ro Kơnràñ tai, La Bơtau dong kòl añ mơ la Yàng Tom Trồ añ.

Đơs Crih 43:5

Ơ hwềng soàn añ, ñchi bơh tài mê gơplơ̆ nùs mơ ñchi bơh tài ò suk ơm taih? Gơn kơnòm tĕ di Yàng Tom Trồ, bơh añ rơp jòng ro Kơnràñ tai, La Bơtau dong kòl añ mơ la Yàng Tom Trồ añ.

Đơs Crih 65:4

Lơngai cau lơi in geh Kơnràñ sac rwah mơ cèng tus rềp, Nàng ơm tòm tiah ơm Kơnràñ dê. Bol hi rơp geh hừh hơh bơh ală bơta niam tòm hìu Kơnràñ dê, la Hìu Duh Khoai Sàng Goh Kơnràñ dê.

Esai 38:17

Ngan, añ kong bơta jê sồt moat jrùng añ jê, hơ̆ la bơta lơngai lơngò añ in; mơya Yàng neh sơmbat wơl rài kis añ jê, klàs bơh trồm jrô tơnroh; Yàng neh sơrbì jơh ală tồi glài añ jê, đah ngkòi Kơnràñ dê.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Jôna 2:4

Kơnràñ neh sơrbì añ tòm tiah jrô, mut tòm nùs ală dàlềng dê, mơ dà tih ngŏ gùt dar añ; jơh ală ryà dà mơ dà har Kơnràñ dê sơrlèt rlau hơđang añ.

Mice 1:2

“Ơ jơh ală làng bol, iat tĕ! Ơ plai ù mơ jơh ală cau ơm tòm plai ù, ơm iat tĕ! Lòi tĕ Jehôwa Yàng Tom Trồ lơh cơng tòmdră mơ bol mê, Yàng Jehôwa bơh Hìu Duh Khoai Sàng Goh Kơnràñ dê.

Habakuk 2:20

Mơya Yàng Jehôwa ơm tòm Hìu Duh Khoai Sàng Goh Kơnràñ dê; lòi jơh plai ù ơm tĕ mŏ mŏ di đap Kơnràñ.”

Hebrơ 12:3

Behơ̆, oh mi sền kơlôi tĕ di Bơtau neh kong jai jơnau sòdră bơh ală cau glài dê, tồ ală oh mi in ò bòl glar hala gơplơ̆ nùs.

I Samuel 30:6

Dabit ơm tòm bơta sơbơng roh ngan, tài bơh ală làng bol tòmbơyai cơm lŭ di khai, bơh bol khai sràt bơtang ngan tòm nùs tài bơh ală kòn klau mơ ală kòn ùr bol khai dê. Mơya Dabit geh pràn kơldang tòm Jehôwa Yàng Tom Trồ khai dê.