Jôna 1:9 - Sră Goh 2018

⁹ Khai ho lah: “Añ la dô nă cau Hebrơ, mơ añ duh khoai Yàng Jehôwa la Yàng Tom Trồ hơđang trồ, la Bơtau neh lơh gơs dàlềng mơ ù tiah.”

Jôna 1:9 ပူးပေါင်းရင်းမြစ်များ

Sơnròp Gơlik Gơs 1:10

Yàng Tom Trồ sơnđan tiah rañ rsơh la ù, mơ dê tiah dà pơjum bal la dàlềng. Yàng Tom Trồ gŏ ală bơta hơ̆ la niam.

Sơnròp Gơlik Gơs 14:13

Dô nă cau klàs tus yal bơta hơ̆ mơ Abram cau Hebrơ. Abram ơm rềp dê tiah tòm cha Mamre, cau Amôrit, bi Eskôl mơ Aner dê; pe nă cau do gơs dô bă bal mơ Abram.

Sơnròp Gơlik Gơs 24:7

Jehôwa la Yàng Tom Trồ hơđang trồ, la Bơtau neh lam añ lik bơh di hìu nhă añ mơ bơh lơgar añ, neh đơs mơ ho lah: ‘Añ rơp ai jơi bơtiàn mê in lơgar do!’ Să tòm Kơnràñ rơp sồr cau gơnrơh lòt lài mơ mê, mơ tềng hơ̆ mê jòi tĕ bau kòn klau añ in.

Sơnròp Gơlik Gơs 39:14

gen khai hòi ală cau tòm hìu nhă khai dê mơ đơs lah: “Sền do! Bau klau añ neh cèng tòm hìu dô nă cau Hebrơ nàng khai bơrcek añ. Khai lòt rềp kòñ bic mơ añ, mơya añ driau dờng.

II Ală Bơtau 17:25

Tòm tŭ bol khai rơp sơntòm ơm tềng hơ̆, bol khai ò duh rngòt di Yàng Jehôwa, gen tàng Yàng Jehôwa sồr klìu triă tus tơnchơt dô êt cau tòm mpồl bol khai.

II Ală Bơtau 17:28

Behơ̆ dô nă tòm ală cau gơnoar ơn phan duh khoai mơ bol khai neh kup bơh Samari tus, ơm tòm Betel, khai bơto bol khai pal duh khoai Yàng Jehôwa.

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Ejra 5:11

Do la jơnau bol khai ho wơl bol hi in: ‘Bol hi la ală cau duh broă Yàng Tom Trồ, hơđang trồ mơ tiah dê, mơ bol hi ơm bơt wơl hìu duh khoai neh geh bơt jŏ sơnam lài òr, la hìu duh khoai mơ dô nă cau bơtau dờng Israel dê neh bơt bơtào mơ lơh sir.

Nehemi 1:4

Tòm tŭ añ kơno ală jơnau hơ̆ gen añ nggui ñìm mơ moat jrùng bàr pe ngai, ơt sa, mơ hòi dan mơ Yàng Tom Trồ hơđang trồ dê.

Nehemi 2:4

Cau bơtau đơs mơ añ lah: Ñchi bơta mê kòñ dan taih? Gen añ hòi dan mơ Yàng Tom Trồ hơđang trồ dê.

Nehemi 9:6

Ơ Yàng, mìng dô nă Kơnràñ la Jehôwa. Kơnràñ neh crơng gơs tap trồ, ală tap trồ jơnhoa rlau jơh, bal mơ ală sơmañ, ù mơ ală phan hơđang gơ, dàlềng mơ jơh ală phan tòm gơ. Kơnràñ prap gàr jơh ală phan. Jơh ală mpồl ling hơđang trồ duh khoai Kơnràñ.

Sră Jop 1:9

Satan ho Yàng Jehôwa lah: “Jop ò di duh rngòt di Yàng Tom Trồ dô bă ò kwơ sơl ơ?

Đơs Crih 136:26

Ưnngài tĕ Yàng Tom Trồ hơđang trồ, Bơh bơta kòñ gơboh kơ̆ dơn Kơnràñ dê gam sùm sùm.

Lik Ejiptơ 1:15

Bơtau Ejiptơ đơs mơ ală cau ùr đơng deh cau Hebrơ dê, dô nă cau sơnđan la Siphra, mơ dô nă sơnđan lah Phua,

Lik Ejiptơ 2:13

Ngai hìng, khai lik lòt tai mơ gŏ bàr nă cau Hebrơ tòmlơh bal. Khai lùp cau neh lơh tìs lah: “Ñchi bơh tài mê pù lơh cau gơp jơi Hebrơ mê dê taih?”

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

Broă 27:23

Bơh tòm mang do Yàng Tom Trồ la Bơtau mơ añ gơrê bal mơ duh broă, neh ai cau gơnrơh Kơnràñ dê ntào di gah añ,

Philip 3:5

Añ neh kong siat gơltau tòm ngai phàm, añ la cau làng bol Israel dê, tòm jơi bơtiàn Benjamin, cau Hebrơ, kòn cau Hebrơ dê, jat bơta boh lam gen la cau Pharisi;

Yal Tơlik 11:13

Di di jơ hơ̆ gơs dô bơta lơnggơr ù dờng ngan, dô pơnah jơt ƀòn dờng tơrlah; poh rbô nă cau chơt tòm bơta lơnggơr ù hơ̆, ai ală cau gam kis gen rngòt ngan mơ jòng ro Yàng Tom Trồ hơđang trồ.

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”

Yal Tơlik 16:11

Tài bơh bơta jê sồt mơ ală toh kiat bol khai dê, gen bol khai đơs tràl sơrbil di Yàng Tom Trồ hơđang trồ, mơ ò gơjrañ sang glài bơh ală broă iơh bơsak bol khai dê.