Jôna 1:5 - Sră Goh 2018

⁵ Jơh ală cau lơh broă tòm ơhò rngòt rngơt ngan mơ kòp nă hòi dan mơ yàng he dê. Gen bol khai sơrbì ală phan bơh ơhò tòm dàlềng nàng nggòc ơhò. Tŭ hơ̆ Jôna neh mù tòm dơlam ơhò, bic mơ lơhă mo.

Jôna 1:5 ပူးပေါင်းရင်းမြစ်များ

I Ală Bơtau 18:26

Behơ̆, bol khai kup dô nơm kơnrồ mơ cau neh lơh poac gơ; mơ hòi dan dê sơnđan yàng Baal bơh àng drim jơl tus nggùl ngai, mơ lah: “Ơ Baal! Dan ho jơnau bol hi.” Mơya ò gơs sap đơs lơi, kung ò gơs jơnau ho lơi; bol khai tòmya gùt dar cơnòng duh khoai bol khai neh bơt.

Sră Jop 2:4

Satan ho Yàng Jehôwa lah: “Ai gơltau tơm gơltau; jơh ală phan mơna cau gơs nàng tơm ala bơta kis khai dê.

Đơs Crih 107:25

Kơnràñ sồr, gen gơs càl rbut dờng, Hơ̆ la yò tơngguh ală ryà dàlềng.

Đơs Crih 148:8

Ơ ồs mơ lŭ piar, kơmbuh piar mơ dà tŭ, Càl rbut dờng lơh jat wil tơl gơnoar sồr Kơnràñ dê!

Cau Bơto 3:6

Gơs tŭ jòi bàn, mơ gơs tŭ roh; Gơs tŭ prap gàr mơ gơs tŭ sang sơrbì;

Esai 45:20

Bol mê la ală cau gam kis bơh di ală lơgar, pơjum bal tĕ mơ tus, ală cau tùng ală rùp ràk lơh mơ chi, mơ hòi dan mơ ală yàng ò rgơi dong klàs, bol khai la ală cau ò gơs bơta git wă.

Jeremi 2:28

Mơya ntềng đah ală yàng bol mê dê, bol mê neh mòn să tòm bol mê in taih? Lòi bol gơ tus, dilah bol gơ rgơi dong tă bol mê! Tòm tŭ bol mê gơtìp bơta bòl glar. Ơ Juda, bol mê gơs oă ală yàng rùp ràk, kung be bol mê gơs oă ƀòn dờng behơ̆ sơl!

Sră Ôse 7:14

Bol khai ò hòi dan mơ Añ bơh nùs bol khai dê, mơya bol khai pơt wòl hơđang cơnòng bic bol khai dê. Bol khai còr să tòm bol khai nàng dan kòi mi mơ tơrnòm, bol khai pơrlơ̆ dră di Añ.

Jôna 1:14

Gen bol khai hòi dan mơ Yàng Jehôwa lah: “Khoai Yàng Jehôwa, bol hi hòi dan bañ lòi bol hi chơt tài bơh tơnchơt cau do. Dan bañ lơh glài bol hi tài bơh tơnchơt dô nă cau ò gơs glài, bơh gơwèt mơ Kơnràñ, Ơ Yàng Jehôwa, Kơnràñ neh lơh bơta jat nùs Kơnràñ kòñ.”

Jôna 1:16

Gen ală cau hơ̆ sơlo rngòt rlau tai di Yàng Jehôwa; gen bol khai ơn phan duh khoai Yàng Jehôwa in mơ ho pơgon mơ Kơnràñ.

Jôna 1:6

Cau at bồ ơhò tus hơ khai mơ đơs lah: “Mbe mê rgơi bic behơ̆ taih? Guh tĕ mơ hòi dan mơ yàng mê dê! Digơlan yàng rơp ai nùs kah kơlôi bơh bol he, nàng bol he ò chơt roh.”

Mathiơ 25:5

Tài bơh bơrtơu òbat tus, gen bol khai gơdan bic yồp yồi mơ bic lơhă.

Mathiơ 26:43

Kơnràñ rê wơl tai, gŏ bol khai gam lơhă bic, bơh mat bol khai yồp yồi ngan.

Mathiơ 26:45

Gen Kơnràñ rê wơl mơ ală cau bơtê mơ đơs lah: “Tŭ do gam bic lơhă mơ rlô ơ? Do, jơ neh tus rềp, Kòn Mơnus rơp gơkòl bơtào tòm tê ală cau glài.

Broă 27:38

Neh sa hòm rau gen bol khai sơrbì jơh kòi phe tòm dàlềng tồ nggòc ơhò.

Ală Kwang Cahrña 16:19

Cau ùr hơ̆ pơndòm Samsôn bic di bơnô khai, khai hòi dô nă cau klau mơ khai koah jơh poh nơm sŏ car di bồ Samsôn mơ sơntòm lơh bòl glar khai in. Bơta pràn kơldang khai dê neh lik bơh khai.

I Samuel 24:3

Khai tus hơ ală wàng belàt ơm di gah gùng. Tềng hơ̆ gơs dô nơm rgồng lŭ mơ Sol mut tòm hơ̆ nàng jă brê. Dabit mơ ală cau jat khai ơm tòm tiah lồi dut rgồng lŭ hơ̆ dê.