Jôna 1:15 - Sră Goh 2018

¹⁵ Lồc behơ̆, bol khai kup Jôna mơ sơrbì khai tòm dàlềng, gen dàlềng dơh wơl bơta gơhào gơjrañ gơ dê.

Jôna 1:15 ပူးပေါင်းရင်းမြစ်များ

II Samuel 21:14

Bol khai tơp ntìng ƀồc Sol mơ Jônathan, kòn klau khai dê, tòm bơtô ƀồc Kis bèp Sol dê, tòm Sela, tòm Benjamin, mơ lơh jat jơh ală bơta be bơtau neh sồr. Tơnơ̆ mơ hơ̆ Yàng Tom Trồ ho wơl jơnau hòi dan lơgar in.

Đơs Crih 107:29

Kơnràñ sồr càl rbut ơm mŏ mŏ, Mơ ală ryà dàlềng ơm ring.

Đơs Crih 65:7

Yàng lơh ring ngềt bơta nggồr dàlềng dê, bơta nggồr ală ryà gơ dê, Mơ bơta sơlồng sơlàng làng bol dê.

Đơs Crih 89:9

Yàng at bồ bơta gơrơndul lơnggac dàlềng dê; Tòm tŭ ryà dà gơguh, gen Yàng lơh gơ in ring ngềt.

Jôna 3:9

Ñcau git taih? Digơlan Yàng Tom Trồ rơp tòmgơl nùs mơ tơnruc bơta gơjrañ dờng Kơnràñ dê, mơ bol he rơp ò chơt roh.”

Mathiơ 8:26

Yàng Jesu đơs lah: “Ơ ală cau gơs dô êt bơta dòn, ñchi bơh tài bol mê rngòt taih?” Chòp Kơnràñ ntào, lah pơrhơng càl mơ dàlềng, gen gơs ring drik ngan.

Luka 8:24

Ală cau bơtê tus pơrlai Kơnràñ mơ đơs lah: “Ơ Kơnràñ, ơ Kơnràñ do bol he mòr chơt roh!” Kơnràñ kah rngal, lah pơrhơng càl mơ ryà lơnggac dàlềng, gen gơ thit mo, ring drik.