Jôna 1:14 - Sră Goh 2018

¹⁴ Gen bol khai hòi dan mơ Yàng Jehôwa lah: “Khoai Yàng Jehôwa, bol hi hòi dan bañ lòi bol hi chơt tài bơh tơnchơt cau do. Dan bañ lơh glài bol hi tài bơh tơnchơt dô nă cau ò gơs glài, bơh gơwèt mơ Kơnràñ, Ơ Yàng Jehôwa, Kơnràñ neh lơh bơta jat nùs Kơnràñ kòñ.”

Jôna 1:14 ပူးပေါင်းရင်းမြစ်များ

Sơnròp Gơlik Gơs 9:6

Dilah cau lơi lơh gơhòr mhàm kòn mơnus, gen rơp gơs cau ndai lơh gơhòr mhàm cau hơ̆ wơl, bơh Yàng Tom Trồ lơh gơs kòn mơnus be rùp Kơnràñ dê.

Đơs Crih 107:28

Gen tòm bơta gơlòng bòl glar bol khai hòi dan mơ Yàng Jehôwa, Kơnràñ dong tă bol khai lik bơh bơta jê sồt bòl glar bol khai dê.

Đơs Crih 115:3

Yàng Tom Trồ bol hi dê ơm hơđang ală tap trồ; Kơnràñ lơh bơta lơi di nùs Kơnràñ.

Đơs Crih 135:6

Bơta lơi niam nùs Yàng Jehôwa gen Kơnràñ lơh bơta hơ̆, Hơđang trồ hala tòm ù, tòm dàlềng hala tòm ală tiah jrô.

Esai 26:16

Ơ Yàng Jehôwa, tòm bơta bòl glar, bol khai jòi Kơnràñ. Bol khai tuh tơlik dô bơta hòi dan, tòm tŭ Kơnràñ lơh glài tơmàl bol khai.

Jôna 1:13

Gơsơlơ̆u wơl, ală cau hơ̆ pơnđơl jơh pràn wàs ơhò tus di gah dàlềng. Mơya bol khai ò rgơi tài bơh dàlềng sơlo ngai sơlo gơguh ryà dà dờng rlau tai tòmdră mơ bol khai.

Jôna 1:16

Gen ală cau hơ̆ sơlo rngòt rlau tai di Yàng Jehôwa; gen bol khai ơn phan duh khoai Yàng Jehôwa in mơ ho pơgon mơ Kơnràñ.

Jôna 1:5

Jơh ală cau lơh broă tòm ơhò rngòt rngơt ngan mơ kòp nă hòi dan mơ yàng he dê. Gen bol khai sơrbì ală phan bơh ơhò tòm dàlềng nàng nggòc ơhò. Tŭ hơ̆ Jôna neh mù tòm dơlam ơhò, bic mơ lơhă mo.

Jôna 3:8

Kòn mơnus mơ phan poan jơng pal soh ƀào sơnò kiat, mơ bol khai pal hòi dan rac ròc dô bă pràn ngan mơ Yàng Tom Trồ. Kòp nă pal sang tĕ ală gùng iơh mơ bơta jàñ bơsak hơ̆ bơh tê bol khai lơh.

Mathiơ 11:26

Ngan behơ̆, ơ Bèp, bơh hơ̆ la nùs kòñ Bèp dê.

Broă 28:4

Cau ơm tòm tiah hơ̆ gŏ bơs gơyồng lùi pùi di tê khai, gen đơs bal mơ gơp lah: “Ngan cau do la cau tơnchơt cau, gen tàng bulah neh geh dong klàs bơh dàlềng rau, mơya bơta song ring ò bài lòi khai in kis.”

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Yal Wơl 21:8

Ơ Yàng Jehôwa, dan dòp phan ơn tơwài glài do bơh Israel la làng bol Kơnràñ dê mơ Kơnràñ neh tơwài, mơ bañ kup glài làng bol Kơnràñ dê bơh mhàm dô nă cau ò gơs glài.’ Mơ bơta lơh gơhòr mhàm geh toh.