Jeremi 52:27 - Sră Goh 2018

²⁷ Bơtau Babilôn sồr lơh mơ tơnchơt bol khai tòm Ripla, tiah Hamat. Behơ̆ gen cau Juda gơkòl kup cèng ngài bơh lơgar he.

Jeremi 52:27 ပူးပေါင်းရင်းမြစ်များ

II Samuel 8:9

Tòm tŭ Thôi, bơtau Hamat, kơno lah bơtau Dabit neh tòmlơh pha mơ jơh dô mpồl ling Hadadejer dê,

II Ală Bơtau 17:20

Yàng Jehôwa neh sang lòi jơh jơi bơtiàn Israel, lơh glài bol khai mơ phi bol khai tòm tê ală cau phà tơnroh, jơl tus Kơnràñ bơtrơh tơlik bol khai bơh di đap mat Kơnràñ.

II Ală Bơtau 17:23

jơl tus di tŭ Yàng Jehôwa neh bơtrơh tơlik bol khai bơh di đap Kơnràñ, tòm toh be Kơnràñ neh yal lài bơh ală cau gơnoar hwơr dĭ gơna Kơnràñ dê. Behơ̆, Israel kong cèng pơrdô ngài bơh lơgar, ơm dĭ tòm lơgar Asiri jơl tus di ngai do.

II Ală Bơtau 23:27

Yàng Jehôwa neh đơs lah: “Añ rơp tă tơlik Juda bơh di đap Añ be Añ neh tă tơlik Israel sơl, mơ Añ rơp sang lòi ƀòn dờng do, Jerusalem mơ Añ neh sac rwah, mơ hìu duh khoai mơ Añ neh đơs bơh gơ lah: ‘Sơnđan Añ rơp ơm tềng hơ̆.’”

Esai 24:3

Jơh plai ù rơp gơkòl sang lòi srau gòi; mơ gơkòl tòmpìt sơmbrơt; bơh Yàng Jehôwa neh đơs jơnau do.

Esai 27:10

Bơh ƀòn dờng kơ̆ cê neh gơkòl lòi srau gòi, tiah ơm làng bol dê neh kòl sang lòi be ƀlàng bràs mơ ƀlàng ngềt ngơt; tềng hơ̆ ală kơnrồ kòn sa ñhơt, bic rlô mơ sa tơrging ală ntê chi.

Esai 43:28

Behơ̆ tàng Añ rơp lơh ƀàssìl ală cau lam bồ tòm hìu duh khoai mê dê, Añ rơp phi Jakôp nàng kong tơnroh, mơ Israel nàng kong lah sơrpah.”

Jeremi 13:19

Ală ƀòn dờng Negep gen neh til wơl, ò gơs cau lơi pò bol gơ. Jơh Juda kong kup cèng pơrdô, Jơh tơl nă kong kup cèng pơrdô.

Jeremi 20:4

Bơh Yàng Jehôwa đơs be do: ‘Añ rơp phi mê lơh gơs bơta rngòt rngơt să tòm mê in mơ jơh ală cau bơyô mê dê sơl; bol khai rơp chơt bơh đào cau sò tơm bol khai dê, mat mê rơp sền gŏ. Añ rơp phi jơh làng bol Juda tòm tê bơtau Babilôn, khai rơp cèng bol khai tus tòm Babilôn gơs dĭ, mơ ngui đào tơnchơt bol khai.

Jeremi 21:7

Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’

Jeremi 39:10

Ai ală cau rƀah lơòi, ò gơs sre brê dô êt lơi, gen Nebujaradan, cau lam bồ mpồl ling kơp gàr bơtau dê, lòi bol khai in ơm wơl tòm lơgar Juda; Kung tòm tŭ hơ̆, khai ai bol hơ̆ in ală suơn ño mơ sre.

Jeremi 39:9

Nebujaradan, cau lam bồ mpồl ling kơp gàr bơtau, kup ală làng bol gam ơm wơl tòm ƀòn, mơ ală cau kong alah, bal mơ ală cau gam ơm wơl tòm lơgar, cèng pơrdô hơ lơgar Babilôn.

Jeremi 52:9

Cau Kalde kup bơtau mơ lam tus hơ bơtau Babilôn, tòm Ripla tòm lơgar Hamat, tềng hơ̆ bơtau kong bơtau Babilôn cahrña.

Ejekiel 33:28

Añ rơp lơh lơgar in gơlik tiah srau gòi, bơta pràn kơldang mơ bol khai jòng să rơp roh thit, mơ ală mơnơm Israel dê rơp gơlik gơs ngềt ngơt tian gơs ò gơs dô nă cau lơi lòt gan tềng hơ̆ tai.

Mice 4:10

Ơ kòn ùr Siôn, bơta jê sồt mơ rơnđơh kung be cau ùr jê deh, bơh tŭ do mê rơp lik bơh ƀòn dờng mơ bơtào sàl ơm tòm ƀlàng. Mê rơp lòt tus hơ Babilôn; Tềng hơ̆ mê rơp geh dong klàs. Tềng hơ̆ Yàng Jehôwa rơp dong tơwài mê lik klàs bơh di tê ală cau sò tơm mê dê.

Yal Wơl 28:36

Yàng Jehôwa rơp ting bơtrơh bol mê mơ cau bơtau mơ bol mê neh bơtào hơđang bol mê tus di dô nơm lơgar mơ bol mê bal mơ ală ồng pàng bol mê dê òhềt git. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ.

Yal Wơl 28:64

Gen Yàng Jehôwa rơp rsìh bol mê digùl jơh ală làng bol, bơh jơng trồ do tus hơ jơng trồ ne. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ mơ bol mê hala ală ồng pàng bol mê dê kung ò tŭ lơi git.

Yal Wơl 4:26

Añ hòi trồ mơ tiah lơh cơng tòmdră mơ bol mê tòm ngai do la bol mê rơp kong roh rui mhar bơh di ù tiah mơ bol mê neh tiă Jordan nàng dòp lơh gơs sre brê. Bol mê rơp ò kis jŏ tòm lơgar hơ̆ mơ ngan la rơp kong tơnroh.