Jeremi 51:39 - Sră Goh 2018

³⁹ Tòm tŭ bol khai duh trơàl, Añ rơp yò phan ñô bol khai in ñô, jơl tus hừh nùs, Mơ bol khai bic tơn jơl sùm sùm, mơ ò tŭ lơi kah rngal wơl;” Yàng Jehôwa đơs behơ̆.

Jeremi 51:39 ပူးပေါင်းရင်းမြစ်များ

Đơs Crih 13:3

Ơ Yàng Jehôwa la Yàng Tom Trồ añ jê, dan sền sơwì mơ ho wơl añ, Mơ lơh mat añ in gơs àng, rngòt añ bic tòm bơta bic chơt mòn;

Jeremi 25:27

“Mê pal đơs mơ bol khai lah: Yàng Jehôwa Gơnap Gơnoar, Yàng Tom Trồ Israel dê, đơs be do: ‘Ñô tĕ, bơñul tĕ, tuh hă tĕ, gơpừ tĕ, bañ guh tai, tài bơh pềs tà mơ Añ rơp sồr tus digùl bol mê!’

Jeremi 48:26

Lơh tĕ gơ in bơñul, bơh gơ neh yò tơngguh să he nàng tòmdră mơ Yàng Jehôwa. Môap rơp tram să tòm bơta gơtuh hă, kung lơh gơs kai cau in dơñŏ tơnhial.

Jeremi 51:57

Bơtau, sơnđan Kơnràñ la Yàng Jehôwa Gơnap Gơnoar, đơs: Añ rơp lơh ală kwang dờng, ală cau jak chài gơ dê bơñul kung behơ̆ sơl ală kwang đơng, ală kwang dong kòl, bal mơ ală ling jak tòmlơh gơ dê, Bol khai rơp bic jơl sùm sùm Ò tŭ lơi kah rngal wơl tai.”

Daniel 5:30

Tòm mang hơ̆, bơtau Babilôn la Belsassar kòl tơnchơt.

Nahum 1:10

Bol khai be cau gơkòl digùl lò mơ be cau bơñul ñô tơrnòm; bol khai kong chu pơrguc kung be rhe ro.

Nahum 3:11

Ai kung rơp gơlik be cau bơñul ñô, ai rơp lòt tus di tiah pồn să, mơ jòi tiah kìng crŭ bơh di cau sò tơm.

Nahum 3:18

Ơ cau bơtau Asiri, ală cau ê mê dê neh bic lơhă; ală cau ryŭ ryơm mê dê neh bic rlô. Làng bol mê dê nrah nring hơđang ală mơnơm, ò gơs cau lơi pơjum bol khai wơl.