Jeremi 51:36 - Sră Goh 2018

³⁶ Gen tàng Yàng Jehôwa đơs: “Ne, Añ rơp dong tò mê, Sal tê ala mê in; Añ rơp lơh soat dàlềng gơ Mơ lơh soat ală croh dà gơ dê.

Jeremi 51:36 ပူးပေါင်းရင်းမြစ်များ

Đơs Crih 107:33

Kơnràñ tòmgơl hiòng gơlik gơs ƀlàng bràs, Croh dà gơlik ù rañ rsơh,

Đơs Crih 140:12

Añ git lah Yàng Jehôwa dong tò cau siơ̆u siar, Mơ cahrña song ring cau rƀah in.

Jơnau Pơnđik 22:23

Bơh Yàng Jehôwa rơp dong tò jơnau tò să bol khai, mơ tă tơlik bơta kis cau neh kơñau sơmbrơt bol khai.

Jơnau Pơnđik 23:11

Bơh Bơtau dong tơwài bol khai ngan la gơnap gơnoar, rơp dong tò bơta yă wơn bol khai dê tòmdră mơ kòn.

Esai 19:5

Dà tòm hiòng Nil rơp soat, mơ kơnàng hiòng rơp rañ rsơh.

Esai 43:14

Yàng Jehôwa, Bơtau Dong Tơwài bol mê dê, Bơtau Sàng Goh Israel dê đơs be do lah: “Tài bơh bol mê, Añ rơp sồr tus hơ Babilôn, lơh tơrlơm jơh ală mpồng ƀòn dờng dê, mơ ală jơnau driau cau Kalde dê rơp gơlik gơs jơnau ñìm rac.

Esai 44:27

la Bơtau đơs mơ dà jrô lah: ‘Ro rañ tĕ, Añ rơp lơh soat ală croh dà;’

Jeremi 50:38

Bơta rañ rsơh tòmdră mơ ală hiòng dà, bol gơ rơp kong soat jơh! Bơh gơ la dô lơgar ală rùp ràk dê, Bol khai bơh rùp ràk mơ gơlik lu sơnrang.

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Jeremi 51:6

Dô tĕ bơh digùl Babilôn, Kòp nă dong klàs tĕ bơta kis he dê! Bañ tài bơh tồi glài gơ mơ kong chơt roh. Bơh do la tŭ tơngai sal tê Yàng Jehôwa dê, Kơnràñ tơm wơl gơ in di pal.

Ejekiel 25:14

Añ rơp tơmù bơta sal tê di Edôm bơh tê làng bol Israel Añ jê; mơ bol khai rơp lơh di Edôm jat be bơta gơjrañ mơ bơta gơjrañ dờng Añ jê; bol khai rơp git bơta sal tê Añ, Jehôwa Yàng Tom Trồ đơs behơ̆.’”

Sră Ôse 13:15

Bulah khai tơnggơs oă jơi bơtiàn digùl oh mi khai, càl đah mattơngai lik rơp tus, dô nơm càl khồm tus bơh Yàng Jehôwa, guh bơh ƀlàng ngềt ngơt, mơ croh dà khai dê rơp soat mơ hiòng dà khai dê rơp rañ. Đam jàr khai dê gen cau rơp tòmpìt ai jơh ală phan màng neh prap lòi.

Rôma 12:19

Ơ oh mi kòñ gơboh, să tòm he bañ sal tê dê cau lơi, mơya lòi tĕ bơta hơ̆ bơta gơjrañ dờng Yàng Tom Trồ in; bơh neh cih lah: “Yàng đơs lah: Bơta sal tê gơrê mơ Añ, Añ rơp sal wơl.”

Yal Wơl 32:35

Bơta sal tê gơrê mơ Añ, Añ rơp tơm wơl, bơh tŭ jơng bol khai rơp ntiar; tài bơh ngai rung rài bol khai dê neh tus rềp, mơ khà lơh nền rài kis bol khai dê neh tus mhar.”

Yal Wơl 32:43

Hòn chò tĕ, ơ ală lơgar bal mơ làng bol Kơnràñ dê bơh Kơnràñ rơp sal wơl bơh mhàm ală cau duh broă Kơnràñ dê; Kơnràñ rơp sal wơl di ală cau sò tơm Kơnràñ mơ lơh gơs bơta tơwài glài lơgar làng bol Kơnràñ in.

Yal Tơlik 16:12

Cau gơnrơh dơ̆ prau tuh mơngàn khai dê hơđang hiòng dờng Ơphrat, gen dà soat jơh, nàng wàs gùng ală cau bơtau in tus bơh đah mattơngai lik.